ბათუმში სკოლის მოსწავლეების პირადი ცხოვრების კადრების გავრცელებაზე გამოძიება დაიწყო


შს სამინისტრომ  გამოძიება დაიწყო ბათუმში სკოლის მოსწავლეების პირადი ცხოვრების ამსახველი ვიდეოკადრების გავრცელების საქმეზე.

ბათუმის ერთ-ერთი სკოლის მოსწავლეების პირადი ცხოვრების ამსახველი კადრები მოსწავლეთა დახურულ ჯგუფში გავრცელდა გასული კვირის ბოლოს. „ბათუმელები“ ვიდეოს გავრცელების შესახებ ინფორმირებულ პირს ესაუბრა, რომლის თქმითაც, კადრები, სავარაუდოდ, გადაღებულია მშენებარე შენობაში. ის არ ადასტურებს ინფორმაციას იმის შესახებ, რომ კადრები ამავე სკოლის სპორტდარბაზშია გადაღებული:

„ბავშვებმა გადაიღეს ვიდეო, არასასკოლო დროს, არა სკოლის შენობაში და გაავრცელეს სოციალურ ქსელში. დირექციის გადმოცემით შეიძლება ვიდეო შეიცავდეს დანაშაულის ნიშნებს, ამიტომ სკოლამ სოციალური სააგენტო და პოლიცია ჩააყენა საქმის კურსში. რამდენადაც ვიცი, კადრები გავრცელდა დახურულ ჯგუფში, ხუთშაბათს ან პარასკევს“.

შს სამინისტროში „ბათუმელებს“ უთხრეს, რომ ამ ეტაპზე მიმდინარეობს საგამოძიებო მოქმედება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com