საფრანგეთის ჩრდილოეთით მდებარე პატარა ქალაქ ფოკერში, მერმა ადგილობრივ ძაღლებს ოფიციალურად აუკრძალა ხმამაღლა ყეფა. დაშვებულია მხოლოდ ხმადაბალი წკმუტუნი, რაც მეზობლებისთვის არ იქნება შემაწუხებელი. კანონდამრღვევი ძაღლების პატრონებს კი ჯარიმა – 68 ევრო დაეკისრებათ.
ცხოველთა დამცველებისთვის ეს კანონი მიუღებელია. მერი კი აღნიშნავს, რომ ძაღლების საწინააღმდეგო მას არაფერი აქვს და აკრძალვა არც იმას გულისხმობს, რომ უწყინარ ყეფაზე დააჯარიმებენ ძაღლების პატრონებს.
ქალაქის მერი ჟან-პიერ ესტენი ირწმუნება, რომ აკრძალვა დროული და აუცილებელი იყო, რადგან ქალაქში ძაღლები დღე-ღამის განმავლობაში დაუსრულებლად ყეფენ და მოსახლეობას მშვიდად ცხოვრების საშუალებას არ აძლევენ.
აკრძალვა ძალაში ქალაქის საბჭოს ერთობლივი გადაწყვეტილებით შევიდა. კანონდამრღვევების დაჯარიმების საკითხი მხოლოდ მაშინ დადგება, თუ მათ წინააღმდეგ მეზობლები შეიტანენ სარჩელს.
ყველაფერი იმით დაიწყო, რომ ქალაქის მცხოვრებლებმა პეტიციით მიმართეს ქალაქის საბჭოს და მერიას სთხოვეს მოეგვარებინა პრობლემა, რომელსაც ქალაქის ერთ-ერთი მცხოვრები ქმნიდა – ის შინ უვლიდა რამდენიმე დიდ ძაღლს, რომლებიც გამუდმებით ყეფდნენ.
ფოკერი არ არის საფრანგეთში ერთადერთი ქალაქი, სადაც ძაღლებს ყეფა ეკრძალებათ. იგივე აკრძალვა 2012 წლიდან სენ-ფუა-ლა გრანდშიც მოქმედებს.
შვეიცარიაში კო მოქმედებს კანონი, რომლის მიხედვითაც ყველა ძაღლმა საზოგადოებაში ქცევის კურსები უნდა გაიაროს. მათ ასევე ეკრძალებათ სკოლისა და საბავშვო მოედნების ახლომახლო გავლა.
წყარო: BBC leparisien.fr
