“ნამეს” ოპერატორმა ამერიკის კინოოპერატორთა საზოგადოების პრიზი მიიღო

ქართული ფილმის “ნამეს” ოპერატორმა გიორგი შველიძემ ამერიკის კინოოპერატორთა საზოგადოების მიერ დაწესებული პრიზი მიიღო. გიორგი შველიძე Spotlight Award-ის კატეგორიაში იყო წარდგენილი.

გიორგი შველიძესთან ერთად წლის აღმოჩენის სექციაში ფილმ “მხედარის” ოპერატორი ჯოშუა ჯეიმს რიჩარდსი და ფილმ “გოგონას” ოეპრატორი ფრანკ ვან დენ იდენი იყვნენ ნომინირებულები. გამარჯვებულები 9 თებერვალს, ღამით გამოავლინეს და ეს რიგით 33-ე ცერემონიალი იყო.

რეჟისორ ზაზა ხალვაშის ფილმი “ნამე“ ეროვნული კინოცენტრის მხარდაჭერით შეიქმნა და საქართველო-ლიტვა-საფრანგეთის კოპროდუქციას წარმოადგენს.

ფილმს, რომელსაც არაერთი წარმატება ხვდა წილად, ორი ოპერატორი ჰყავს – გიორგი შველიძე და მამუკა ჩხიკვაძე. ამერიკის კინოოპერატორთა საზოგადოების ASC-ის დაჯილდოების ნომინანტი მხოლოდ გიორგი შველიძე იყო.

“ნამე” საქართველოს კინოცენტრმა ასევე წარადგინა „ოსკარზე“ უცხოენოვანი ფილმის ნომინაციაში.

https://www.facebook.com/AmericanCinematographer/videos/2018875421746747/?__xts__[0]=68.ARB_tf1TlTYx1QvCSbj7JAGUdZ_mZb-0fYHQoSbi_MkuBP2SlUufp5XRK38bv9MvWLxoaOCtGdWdy-AEMEEV502TMDoqSdMXj6KQeymGmybroN6vrrlLbpa4lin7LgvOxfgiMczZQuv_tZ7TRF2ZvbzHAfbyi0KDbmCIqJi3RBKQZDs7CXGPAxUhIfPCRQY31a4y1PuAvb9u8uJh8sEEyXRstkJacYqNCHgou04BQntXGwwyLZvxMADWW9nlgm4JMK4-qvNwl4p7FCUEh5N21awT8BmrcUg0SevNd1dSrolRKuQoNbLTnZzfIYtvPCTBaod-ksL8VK2q-eYph8jm8qw-aOc&__tn__=-R