მეთორმეტეკლასელები წელს გამოსაშვებ გამოცდას აღარ ჩააბარებენ


საქართველოს პრემიერ-მინისტრის, მამუკა ბახტაძის განცხადებით, მე-12 კლასელები წელს სკოლის გამოსაშვებ გამოცდებს აღარ ჩააბარებენ. ამის შესახებ პრემიერ-მინისტრმა დღეს, პირველ თებერვალს, გამართულ ბრიფინგზე განაცხადა.

გამოცდების ახალი მოდელის შესახებ ინფორმაცია 28 იანვარს გახდა ცნობილი.

„მივიღე გადაწყვეტილება სკოლის დამამთავრებელი გამოცდები წელსვე მოეხსნათ როგორც მეთერთმეტე, ისე მეთორმეტე კლასის მოსწავლეებს. აქვე მინდა განვმარტო, რომ წელს აბიტურიენტები უმაღლეს სასწავლებლებში ისევ ჩააბარებენ მისაღებ გამოცდებს და სისტემის ცვლილების ეს ნაწილი ამოქმედდება 2020 წლიდან,“ – განაცხადა მამუკა ბახტაძემ.

ვრცლად ამ თემაზე: ზოგადი უნარების ჩაბარება სავალდებულო აღარ იქნება – ცვლილებები გამოცდებზე

განათლების სამინისტრომ განაცხადა, რომ სკოლის საატესტატო გამოცდები მომავალი წლიდან გაუქმდებოდა, რასაც მე-12 კლასელების უკმოყოფილება მოჰყვა მთელი ქვეყნის მასშტაბით, მათ შორის ბათუმშიც.

ამავე თემაზე: „უსამართლო სისტემის მსხვერპლი არ უნდა ვიყოთ“ – მეთორმეტეკლასელების აქცია ბათუმში

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com