Batumelebi | სოფელ დაგვაში მაღაზია გაქურდეს – წაღებულია 3 ათასი ლარის სიგარეტი და არაყი სოფელ დაგვაში მაღაზია გაქურდეს – წაღებულია 3 ათასი ლარის სიგარეტი და არაყი – Batumelebi
RU | GE  

სოფელ დაგვაში მაღაზია გაქურდეს – წაღებულია 3 ათასი ლარის სიგარეტი და არაყი

ქობულეთში, სოფელ დაგვაში საკვები პროდუქტების მაღაზია გაქურდეს. შემთხვევა გუშინწინ, ღამით მოხდა.

მაღაზიიდან დაახლოებით სამი ათასი ლარის ღირებულების თამბაქო და ალკოჰოლური სასმელები წაიღეს. მაღაზია დაგვაში მცხოვრებ მურად თურმანიძეს ეკუთვნის.

“მაღაზიას რკინის კარი ჰქონდა და დილით მესაკუთრეს კარი გამოგლეჯილი დახვდა… ეს მაღაზია სოფლის ცენტრში, სამანქანე გზის პირას, განათებულ ადგილასაა,” – გვითხრა ნარგიზ ბერიძემ, ქობულეთის მერის რწმუნებულმა სოფელ დაგვაში.

შინაგან საქმეთა სამინისტროს ინფორმაციით, დაწყებულია გამოძიება ქურდობის მუხლით. დაკავებული ამ დრომდე არავინაა.

 

ნეტგაზეთის მასალების სხვა გამოცემებში გადაბეჭდვის წესი
ავტორი