ნეტგაზეთი • RU

დაზიანებული სატელეფონო ჯიხური რუსთაველის ქუჩაზე

ბათუმში, რუსთაველის ქუჩაზე, ბარბარეს ეკლესიის მიმდებარე ტერიტორიაზე მდგარი წითელი სატელეფონო ჯიხური დააზიანეს – მოგლეჯილია ტელეფონის ყურმილი და ჩამსხვრეულია მინები. ლონდონისთვის დამახასიათებელი ამ ჯიხურის დადგმაში 2014 წელს მონაწილეობდა დიდი ბრიტანეთის ელჩი საქართველოში.

სატელეფონო ჯიხურის მოვლა-პატრონობა ბათუმის საქალაქო ინფრასტრუქტურისა და კეთილმოწყობის სამმართველოს ევალება. როგორც სამსახურის უფროსი, სულხან ევგენიძე ამბობს, ჯიხურს უახლოეს დღეებში მოაწესრიგებენ.

“ვიცით ამ ფაქტის შესახებ, ხელშეკრულება გვაქვს გაფორმებული ერთ-ერთ კომპანიასთან, გავალთ ადგილზე, ზომებს აიღებენ და შეიცვლება მინები უახლოეს დღეებში. შიგნით აპარატიც  მოუგლეჯიათ. გადამრევს ეს ხალხი – სამჯერაა ეს ტელეფონის აპარატი გამოცვლილი,” – ამბობს სულხან ევგენიძე.

ლონდონისათვის დამახასიათებელი სატელეფონო წითელი ჯიხური რუსთაველის ქუჩაზე მდებარე სკვერში 2014 წელს დაიდგა. ჯიხური ბრიტანეთის საელჩოს საჩუქარია ბათუმისათვის. ბრიტანეთის საელჩოს პრესსამსახურის განმარტებით, რკინის ჯიხური ორიგინალია და იგი რამდენიმე ტონას იწონის.

დაზიანებული სატელეფონო ჯიხური

დაზიანებული სატელეფონო ჯიხური

 

 

ნეტგაზეთის მასალების სხვა გამოცემებში გადაბეჭდვის წესი
ავტორი