Batumelebi | შეხვედრა „ბედუინის“ ავტორთან „სანტა ესპერანსაში“ შეხვედრა „ბედუინის“ ავტორთან „სანტა ესპერანსაში“ – Batumelebi
RU | GE  

შეხვედრა „ბედუინის“ ავტორთან „სანტა ესპერანსაში“

ახალი რომანის „ბედუინის“ ავტორი ნინო ჭიპაშვილი [ნეფერტარი] ბათუმელ მკითხველს დღეს, 19 იანვარს, 18 საათზე შეხვდება. შეხვედრა ბათუმში, წიგნის მაღაზია „სანტა ესპერანსაში“ გაიმართება.

„ბედუინი“ რამდენიმე თვის განმავლობაში შედიოდა ბესტსლერების ხუთეულში „სანტა ესპერანსას“ წიგნის მაღაზიებში. ეს არის სათავგადასავლო რომანი, რომელშიც უდაბნოში მარტო დარჩენილი ორი ადამიანის გაუმხელელი სიყვარულის ძალიან საინტერესო ამბავია მოთხრობილი. იგი არაერთ ისტორიულ, გეოლოგიურ-გეოგრაფიულ ცნობასა და ლეგენდას შეიცავს საჰარასა და მის ბინადრებზე.

წიგნის ანოტაციის მიხედვით, „ბედუინი“ სხვა თვალით დაგანახებთ სრულიად უცხოსა და შორეულ სამყაროს და ცვლის დამკვიდრებულ წარმოდგენას „ერთფეროვანი“ და „უსიცოცხლო“ უდაბნოს შესახებ.

წიგნის მაღაზია „სანტა ესპერანსა” ბათუმში გამსახურდიასა და კოსტავას ქუჩების გადაკვეთაში მდებარეობს [კ. გამსახურდიას 19/მ. კოსტავას 34].

ნეტგაზეთის მასალების სხვა გამოცემებში გადაბეჭდვის წესი
ავტორი