ბათუმში, პუშკინის ქუჩაზე გაჩენილი ხანძრის შედეგად ათამდე სავაჭრო ობიექტი დაიწვა. ხანძარი 30 აგვისტოს, დილის ორი საათზე გაჩნდა. მის ჩაქრობას ათი სახანძრო მანქანა და 65 მეხანძრე მაშველი ორ საათზე მეტ ხანს ცდილობდა.
ხანძრის შედეგად პუშკინის ქუჩაზე ძლიერი დაკვამლიანება იყო
წინასწარი ინფორმაციით, ხანძარი ერთ-ერთი მაღაზიის სახურავზე გაჩნდა, ცეცხლი სწრაფად გავრცელდა და მის გვერდით მდებარე სხვა მაღაზიებს მოედო. ხანძრის შედეგად არავინ დაშავებულა. შემთხვევის ადგილზე იმყოფებოდნენ ბათუმის მერი, ლაშა კომახიძე და აჭარის მთავრობის თავმჯდომარე, თორნიკე რიჟვაძე.
ამ ეტაპისთვის უცნობია ხანძრის გამომწვევი მიზეზი და ზარალის ზუსტი ოდენობა.
ბათუმში, პუშკინის ქუჩაზე გაჩენილი ხანძრის შედეგად ათამდე სავაჭრო ობიექტი დაიწვა. ხანძარი 30 აგვისტოს, დილის ორი საათისთვის გაჩნდა. მის ჩაქრობას ათი სახანძრო მანქანა და 65 მეხანძრე მაშველი ერთ საათზე მეტი ხნის მანძილზე ცდილობდა. ხანძარი ერთ-ერთი მაღაზიის სახურავზე გაჩნდა, ცეცხლი სწრაფად გავრცელდა და მის გვერდით მდებარე მაღაზიებს მოედო. ხანძრის შედეგად არავინ დაშავებულა. შემთხვევის ადგილზე იმყოფებოდა ბათუმის მერი ლაშა კომახიძე და აჭარის მთავრობის თავმჯდომარე თორნიკე რიჟვაძე. ამ ეტაპისთვის უცნობია ხანძრის გამომწვევი მიზეზი და ზარალის ზუსტი ოდენობა.
Posted by ბათუმელები • Batumelebi.ge on ოთხშაბათი, 29 აგვისტო, 2018
ხანძარი ბათუმში ფოტო: მანანა ქველიაშვილი/ბათუმელები
