კვირას, 23 დეკემბერს, ბათუმში სულხან სალაძის წიგნის – „უცნობი ძველი აჭარას“ პრეზენტაცია გაიმართება.
წიგნი გაზეთმა „ბათუმელებმა“ გამოსცა 2018 წლის სექტემბერში. წიგნში გამოქვეყნებულია რჩეული სტატიები, რომლებიც ერთი წლის განმავლობაში იბეჭდებოდა გაზეთ „ბათუმელებში“, სულხან სალაძის საავტორო რუბრიკაში აჭარის წარსულის შესახებ.
წიგნი დასურათებულია უნიკალური ფოტომასალით, რომელიც XX საუკუნის 20-30-იან წლებშია გადაღებული მაღალმთიან აჭარაში. ფოტომასალა მინის ნეგატივებზეა დაცული აჭარის ხარიტონ ახვლედიანის სახელობის მუზეუმის ფონდში და იგი პირველად ქვეყნდება.
პრეზენტაციაზე შესაძლებელი იქნება წიგნის შეძენა.
„უცნობი ძველი აჭარა“ გაზეთ „ბათუმელების“ მიერ გამოცემული მესამე წიგნია „ბათომისა“ და „მოგზაურობა ძველ ბათუმში“ შემდეგ. წიგნის პრეზენტაციაზე გაეცნობით “საბჭოთა წარსულის კვლევის ლაბორატორიის” მიერ მომზადებულ ისტორიულ ტურს – “წითელი ტერორის ტოპოგრაფია – ბათუმი”.
პრეზენტაციაზე ასევე გაიმართება ფოტოგამოფენა, მოუსმენთ ანსამბლ “ელესას” და დააგემოვნებთ ქვიშაზე მოხარშულ ბათუმურ ყავას. წიგნის პრეზენტაცია გაიმართება სასტუმრო „ლე პორტეში“, კვირას, 23 დეკემბერს.
დასწრება თავისუფალია.
დასაწყისი: 17:00 საათი
მისამართი: ბათუმი, გოგებაშვილის ქუჩა #30. სასტუმრო „ლე პორტ“, საკონფერენციო დარბაზი.
