მუნიციპალიტეტის ადმინისტრაციულ ერთეულებში ღია სივრცე საზოგადოებისათვის – „ქალთა ოთახი“ გენდერულ საბჭოსთან ერთად, გასვლით შეხვედრებს მართავს, რომლის მიზანია ოჯახში ძალადობის შესახებ ცნობიერების ამაღლება და ამ პრობლემის დასაძლევად საზოგადოების ჩართულობის აუცილებლობის ხაზგასმა.
კამპანიის ფარგლებში დაგეგმილი სხვადასხვა ღონისძიების მეშვეობით მოხდება საზოგადოების ინფორმირება იმის შესახებ, რომ ოჯახში ძალადობის მსხვერპლს კანონი იცავს, ხოლო მოძალადეები კანონით ისჯებიან. ღონისძიების ფარგლებში მოქალაქეებს საინფორმაციო ფლაერებს ურიგებენ.
გასვლითი ღონისძიებები დღეს მერისისა და ოქტომბრის ადმინისტრაციულ ერთეულებში დასრულდა, ხოლო 10 დეკემბერს, ადამიანის უფლებათა დაცვის საერთაშორისო დღეს, დასკვნითი ღონისძიება გაიმართება.
კამპანია 7 დეკემბერს დაიწყო და იგი ქედის მუნიციპალიტეტის მერიის ადმინისტრაციული სამსახურის გენდერული თანასწორობის ხელშეწყობის ფინანსური უზრუნველყოფის მიზნობრივი პროგრამის ფარგლებში მიმდინარეობს.