საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორმა თამარ იოსელიანმა ქალაქ ვენეციაში, (იტალია) ევროპის საზღვაო უსაფრთხოების სააგენტოს ((EMSA)) ორგანიზებითა და ჩართულობით გამართულ სისტემა MAREΣ (ხმელთაშუა ზღვის და მიმდებარე საზღვაო რაიონების გემების მონიტორინგის ავტომატური საიდენტიფიკაციო სისტემა) ექსპერტთა სამუშაო ჯგუფის რიგით მე-15 შეხვედრაზე (15th MAREΣ Expert working Group Meeting) EMSA – სთან აწარმოა მოლაპარაკება ევროპის საზღვაო უსაფროთხოების სააგენტოს დაფინანსებით 2019 წლის პირველ კვარტალში საქართველოსთვის გემების მონიტორინგის სახმელეთო ორი ავტომატური საიდენტიფიკაციო სადგურის გადმოცემის თაობაზე, რაც რეალურ დროში, საქართველოს 200 მილიან ზონაში, გემის, ტვირთისა და ადამიანების შესახებ ინფორმაციის მიღების შესაძლებლობას იძლევა.
აღნიშნული სადგურებით, სამომავლოდ ევროპულ სააგენტოებთან ინტეგრაციის ფარგლებში, მოხდება ინფორმაციის გაცვლა იგივე ინფორმაციაზე ევროპულ სისტემასთან, რაც ქართულ ნავსადგურებს ჩართავს საერთო ევროპულ ქსელში.
ასევე, საქართველოს წინადადებით და MAREΣ ექსპერტთა ჯგუფის მხარდაჭერით გადაწყდა 2020 წელს MAREΣ Expert working Group Meeting მე-17 შეხვედრის ჩატარდება რიგით მესამე საქართველოს საერთაშორისო საზღვაო ფორუმის ფარგლებში.
ევროპის საზღვაო უსაფრთხოების სააგენტო (EMSA) წარმოადგენს ევროკავშირის ერთ-ერთ დეცენტრალიზებულ უწყებას რომელიც ფუნქციონირებს ევრო პარლამენტისა და საბჭოს EC 1406/2002 დადგენილების საფუძველზე საზღვაო უსაფრთხოების მაღალი, ერთიანი და ეფექტური დონის უზრუნველსაყოფად, როგორც გემების მიერ ასევე ნავთობისა და გაზის დანადგარებით გამოწვეული დაბინძურების პრევენციისა და რეაგირებისათვის.
ევროპარლამენტისა და საბჭოს რეგლამენტის EU 100/2013 შესაბამისად EMSA- ს საქმიანობა ასევე შეიძლება მოიცავდეს ევროკავშირის სამეზობლო პარტნიორი ქვეყნებისათვის ტექნიკური დახმარების გაწევას შავი და კასპიის ზღვის ქვეყნებში ნაციონალური ავტომატური საიდენტიფიკაციო სისტემების შექმნის მიზნით.
