მთავარი,რეკლამა,სიახლეები

ჯანდაცვის კომისიაში ბათუმის 2019 წლის ბიუჯეტის პროექტი განიხილება

22.11.2018 • 1752
ჯანდაცვის კომისიაში ბათუმის 2019 წლის ბიუჯეტის პროექტი განიხილება

ბათუმის მუნიციპალიტეტის ჯანმრთელობის და სოციალური დაცვის კომისიის სხდომაზე ბათუმის 2019 წლის ბიუჯეტის პროექტით გასახორციელებელი პროგრამები და ქვეპროგრამები მერიის ჯანმრთელობის დაცვისა და სოციალური უზრუნველყოფის სამსახურის უფროსმა სოფო მიქელაძემ წარადგინა. მისი განცხადებით, ჯანმრთელობის დაცვა და სოციალური უზრუნველყოფა მუნიციპალიტეტის პრიორიტეტული მიმართულებების ერთ-ერთი შემადგენელი ნაწილია.

ბათუმის მუნიციპალიტეტის ჯანმრთელობის და სოციალური დაცვის კომისიის სხდომა

პროექტის მიხედვით, ბიუჯეტიდან ჯანდაცვის სფეროს დაფინანსება 16,056,5 ლარითაა გათვალისწინებული. მათ შორის, ჯანმრთელობის დაცვის ქვეპროგრამებზე გამოყოფილია 5,907,9 ლარი, სოციალური უზრუნველყოფის ქვეპროგრამებზე  – 9,370,6 ლარი, სანიტარული ზედამხედველობისა და ეპიდსიტუაციის მართვის პროგრამებზე – 778,0 ლარი.

წარმოდგენილი პროექტის მიხედვით, მომავალი წლის ბიუჯეტის შემოსულობები ჯამში 154,361,6 ლარს შეადგენს.

კომისიის სხდომას, ჯანმრთელობის და სოციალური დაცვის კომისიის თავმჯდომარის დავალებით, ამავე კომისიის წევრი ნატალია ძიძიგური უძღვებოდა.

გადაბეჭდვის წესი


ასევე: