ქედის მუნიციპალიტეტის მერიის ჯანმრთელობისა და სოციალური დაცვის სამსახურში „საცხოვრებელ სახლებზე ამორტიზებული სახურავების შეცვლის“ მიზნობრივი პროგრამა მესამე წელია რაც ფუნქციონირებს და პროგრამით ჯამში 149 ოჯახმა უკვე ისარგებლა.
პროგრამა აქტუალურია მოსახლეობის მიერ ყოველწლიურად თვითმმართველობაში შემოსული ათეულობით განცხადების შესაბამისად. განმცხადებლებს არ შეუძლიათ საკუთარი სახსრებით შეაკეთონ საცხოვრებელი სახლების სახურავები. აღნიშნული სოციალური პროგრამა კი მიზნად ისახავს სოციალურად დაუცველი, მრავალშვილიანი და სტიქიით დაზარალებული ოჯახების საცხოვრებელი პირობების გაუმჯობესების ხელშეწყობას.
პროგრამის ფარგლებში თუნუქის ფურცლების გაცემა კომისიური წესით ხორციელდება. ინფრასტრუქტურის, ზედამხედველობის, არქიტექტურისა და სოციალური სამსახურების, მერის წარმომადგენლის შესაბამის ადმინისტრაციულ ერთეულში და საკრებულოს წევრებისაგან შემდგარი სპეციალური კომისიის თავმჯდომარე მერის მოადგილე გურამ ბერიძეა.
წელს პროგრამის ბიუჯეტი 30 000 ლარს შეადგენდა და 33-მა ოჯახმა უკვე ისარგებლა პროგრამით, მათ შორის ხანძრის შედეგად დაზარალებულმა 4-მა ოჯახმა.
ქედის მუნიციპალიტეტის ფოტოები
ქედის მუნიციპალიტეტის ფოტოები
