ბათუმის მერიის ინფორმაციით, 30 ოქტომბრიდან თვენახევრის განმავლობაში, სარეაბილიტაციო სამუშაოების გამო, სატრანსპორტო მოძრაობა შეიზღუდება მაიაკოვსკის ქუჩაზე, გოგოლისა და სერგი მესხის ქუჩებს შორის არსებულ მონაკვეთში. ავტოსატრანსპორტო საშუალებების გადაადგილება შესაძლებელი იქნება შემოვლითი გზით.
მერიის ინფორმაციით, მაიაკოვსკის ქუჩის რეაბილიტაცია 2019 წლის ივნისში უნდა დასრულდეს. სამუშაოების მიმდინარეობის პროცესში სატრანსპორტო მოძრაობა, მონაკვეთების მიხედვით, ეტაპობრივად შეიზღუდება.
სარეაბილიტაციო სამუშაოების ღირებულება 4 მილიონ 703 ათას 999 ლარს შეადგენს. ბათუმის მერია ბოდიშს უხდის მოსახლეობას შეზღუდვით გამოწვეული დისკომფორტის გამო.
