ბათუმში, პირველ საჯარო სკოლაში მდებარე საარჩევნო უბნის მიმდებარე ტერიტორიაზე ინცინდენტი მოხდა.
მოქალაქე ლამარა კენჭაძის განცხადებით, მას ჯელალ ქიქავამ შეურაცხყოფა მიაყენა და მოქალაქემ პოლიციას მიმართა.
„ფეხი მომარტყა, [მანქანის] კარი მომიჯახუნა და შემაგინა ჯელალ ქიქავამ, თქვენი სალომე ასე და ისეო. ხალხმა რომ დამიცვა, იმათ ცალკე აგინა, “ – უთხრა პოლიციას ლამარა კენჭაძემ.
შს სამინისტროს ცნობით, მოქალაქის მიერ შემოსული შეტყობინების საფუძველზე, ბათუმის საქალაქო სამმართველოში დაიწყო გამოძიება 162-ე პრიმა მუხლის პირველი ნაწილით გათვალისწინებული დანაშაულის შესაძლო ჩადენის ფაქტზე, რაც კენჭისყრის მიმდებარე ტერიტორიაზე ცემას ან სხვაგვარ ძალადობას გულისხმობს.
