Batumelebi | ხოსე კარერასის მასტერკლასებისთვის ახალგაზრდა მომღერლებს ბათუმში შეარჩევენ  ხოსე კარერასის მასტერკლასებისთვის ახალგაზრდა მომღერლებს ბათუმში შეარჩევენ  – Batumelebi
RU | GE  

ხოსე კარერასის მასტერკლასებისთვის ახალგაზრდა მომღერლებს ბათუმში შეარჩევენ 

ახალგაზრდა საოპერო მომღერლებისთვის 2019 წლის 21-26 იანვარს იტალიაში პეზაროს ჯ.როსინი სახელობის კონსერვატორიის პეტროტის სახელობის საკონცერტო დარბაზში ჩატარდება მსოფლიო ტენორის, ხოსე კარერასის მასტერკლასი.

მასტერკლასის შესარჩევი ტური საქართელოში გაიმართება 2018 წლის 26 ოქტომბერს 14:00 საათზე, ბათუმის ფალიაშვილის სახელობის სამუსიკო სკოლის საკონცერტო დარბაზში.

შესარჩევ მოსმენას ჩაატარებს რენატა ტებალდის და მარიო დელ მონაკოს საერთაშორისო საოპერო მომღერლების აკადემიის სამხატვრო დირექტორი ნინო ლეჟავა.

მოსმენა უფასოა და მონაწილეობის მიღება შეუძლიათ 16-იდან 40-წლამდე ასაკის საოპერო მომღერლებს.

პროექტის ფარგლებში დაფინანსდება ერთი საუკეთესო შემსრულებლის იტალიაში გამგზავრება და ასევე მასტერკლასში მონაწილეობა. სხვა მსურველებს კი თანხის გადახდა მოუწევთ.

მოთხოვნები მასტეკლასში მონაწილეობის მსურველთათვის:

1. მოსმენის შედეგად შერჩეულ ერთ საუკეთესო მონაწილეს შესაძლებლობა ეძლევა უფასოდ მიიღოს ხოსე კარერასის მასტერკლასი.

2.რეპერტუარი – 2 საოპერო არია ან ერთი საოპერო პარტია (რომელზეც მომღერალს სურს მუშაობა).

3. მასტერკლასში მონაწილემ თან უნდა იქონიოს ნოტები ორ (2) ეგზემპლარად, საფორტეპიანო ვერსია.

4. მასტერკალსის ღირებულება 800 € (ევრო) ღირებულებაში არ შედის მგზავრობის, დაბინავების და კვების ხარჯები;

6. რეგისტრაციის პერიოდი 27.10.2018წ – 15.12.2018წ.

 

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com