მთავარი,სიახლეები

კომისიამ „აჭარის TV-ის“ ბორდის წევრობის 6 კანდიდატი შეარჩია

13.10.2018 • 2829
კომისიამ „აჭარის TV-ის“ ბორდის წევრობის 6 კანდიდატი შეარჩია

ახლახანს [16:39 საათი] აჭარის საზოგადოებრივი მაუწყებლის მრჩეველთა საბჭოს წევრობის ექვსი კანდიდატი შეარჩია უმაღლესი საბჭოს მიერ შექმნილმა სპეციალურმა კომისიამ. კონკურსანტთაგან მეორე ეტაპზე იაკინთე (ნიკა) ჩხარტიშვილი და ირაკლი კიკვაძე ვერ გადავიდნენ. 

ბორდის წევრობის მსურველთაგან პირველი ეტაპი სულ 10-მა კანდიდატმა გადალახა. კომისია სწორედ მათგან შეერჩია ექვსი კანდიდატი აჭარის უმაღლეს საბჭოსთვის წარსადგენად. ამით კომისიამ მუშაობა დაასრულა.

აჭარის უმაღლესი საბჭოს პრესცენტრის ინფორმაციით, პირველ ეტაპზე გადასული 10 პირიდან დღეს, კომისიასთან გასაუბრებაზე ორი პირი არ გამოცხადდა. როგორც პრესცენტრში გვითხრეს, ოლღა ჟღენტმა მოხსნა საკუთარი კანდიდატურა, ხოლო ნუგზარ (ბაჩუკი) ჩხეიძემ კომისიას სმს შეტყობინება გაუგზავნა, რომ არ გამოცხადდებოდა.

აჭარის ტელევიზიის ბორდში ვაკანსია მას შემდეგ გაჩნდა, როცა ზაზა ხალვაშმა თანამდებობა დატოვა – 2016 წლის მაისში. ორი წლის განმავლობაში უმაღლეს საბჭოს კონკურსი ბორდის წევრის შესარჩევად არ გამოუცხადებია.

ბორდის წევრის ხელფასი 2625 ლარია.

მეორე ეტაპზე გადასული კონკურსანტები:

1. გიგა ჩხარტიშვილი
2. რაულ ბერიძე
3. ნათია სირაბიძე
4. ემზარ დიასამიძე
5. ნერონ აბულაძე
6. დიანა ვაშაყმაძე

აქ წაიკითხავთ თუ როგორ ხედა აქვთ კანდიდატებს აჭარის ტელევიზიის განვითარებასთან დაკავშირებით.

 

გადაბეჭდვის წესი


ასევე: