“უცნობი ძველი აჭარა“ – 30 სექტემბერს ქედაში სულხან სალაძის წიგნის გამოფენა-გაყიდვა გაიმართება


„უცნობი ძველი აჭარა“ – ასე ეწოდება სულხან სალაძის წიგნს, რომელიც შპს „გაზეთმა ბათუმელებმა“ სულ ცოტა ხნის წინ გამოსცა. წიგნის პრეზენტაცია თბილისში შედგება, თუმცა პრეზენტაციამდე მკითხველები წიგნის შეძენას 30 სექტემბერს ქედაში, დაბა ქედის ხიდთან შეძლებენ, დილის 11-დან 15 საათამდე.

წიგნი ძველი აჭარის შესახებ მოგითხრობთ, თუ როგორ ცხოვრობდნენ, შრომობდნენ აჭარაში XIX საუკუნის ბოლოსა და XX  საუკუნის 20-30-იან წლებში, რას წერდნენ აჭარლებზე აქ ჩამოსული მოგზაურები, მწერლები და საზოგადო მოღვაწეები. წიგნი დასურათებულია უნიკალური ფოტომასალით.

წიგნში ნახავთ არაერთ მასალას, რომელიც უშუალოდ ქედის მუნიციპალიტეტის ისტორიას შეეხება.

წიგნის ქედაში წარდგენას ავტორი, სულხან სალაძეც დაესწრება. სულხან სალაძე პროფესიით იურისტია და ამჟამად საქართველოს ახალგაზრდა იურისტთა ასოციაციას ხელმძღვანელობს. მას ერთი წლის განმავლობაში მიჰყავდა საავტორო რუბრიკა ძველი აჭარის შესახებ გაზეთ „ბათუმელებში“.

„უცნობი ძველი აჭარა“ გაზეთ „ბათუმელების“ მიერ გამოცემული მეოთხე წიგნია „მოგზაურობა ძველ ბათუმშის“ [ეს წიგნი გამოიცა ქართულ და ინგლისურ ენებზე] და „ბათომის“ შემდეგ.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.