ხვალ, 12 სექტემბერს, 11:00-დან 18:00 საათამდე სატრანსპორტო მოძრაობა შეიზღუდება ნიჟარაძის ქუჩაზე. ბათუმის მერიის ინფორმაციით, ამის მიზეზი სარეაბილიტაციო სამუშაოებია, რაც ასფალტის საფარის მეორე ფენის დაგებას მოიცავს.
პირველ ეტაპზე, გადაადგილება შეიზღუდება ნიჟარაძის პირველ ჩიხსა და მაიაკოვსკის ქუჩას შორის არსებულ მონაკვეთზე, შემდეგ კი – მაიაკოვსკისა და ვოლსკის ქუჩებს შორის არსებულ მონაკვეთზე.
