„ლერმონტოვის ქუჩას ბათუმში ეწოდოს სენატორ ჯონ მაკკეინის სახელი“ – ამ ინციატივით ბათუმის საკრებულოს წევრი მირდატ ქამადაძე გამოდის. ინიციატივის განხილვას იგი ბათუმის საკრებულოში აპირებს. მირდატ ქამადაძე ფრაქცია „ერთიანი ნაციონალური მოძრაობის“ ხელმძღვანელია.
„ლერმონტოვის ქუჩა იმიტომ, რომ სიმბოლურია ქუჩებისთვის სახელის დარქმევა. ლერმონტოვი არ გამოირჩეოდა ქართველების დიდი სიყვარულით, ეს ცნობილია, ხოლო მაკკეინის დამსახურება საქართველოს წინაშე ყველამ იცის. მარტო ის რად ღირს, როცა აგვისტოს ომის დროს თქვა: დღეს ყველა ქართველები ვართ“, – გვითხრა მირდატ ქამადაძემ.
სენატორი და პრეზიდენტობის ყოფილი კანდიდატი ჯონ მაკკეინი 81 წლის ასაკში გარდაიცვალა. სენატორმა საქართველოს მხარდაჭერა არაერთხელ გამოუცხადა და რუსეთის წინააღმდეგ სანქციების გამკაცრების ინიციატივით გამოდიოდა.
https://netgazeti.ge/news/165803/
ა
