საგანგებო სიტუაციების მართვის სამსახურმა 20 ახალი სახანძრო მანქანა შეიძინა. ASTRA-ს ფირმის მაღალი გამავლობის მანქანები ტყის ხანძრებისთვის არის განკუთვნილი და მათი მთავარი უპირატესობა მოძრაობაში ცეცხლის ქრობაა.
ASTRA იტალიური კომპანიაა, რომელიც სატვირთო და მძიმე სატრანსპორტო საშუალებებს აწარმოებს.
პირველ ეტაპზე საქართველოში 6 სახანძრო მანქანა შემოვიდა, რამდენიმე კვირაში საქართველოს საზღვარს დამატებით 14 ახალი ტყის სახანძრო მანქანა გადმოკვეთს.
