ბათუმის რუსთაველის სახელობის სახელმწიფო უნივერსიტეტის ძველ კორპუსში ისტორიული ბუხრების აღდგენას გეგმავენ. როგორც უნივერსიტეტის ადმინისტრაციაში „ბათუმელებს“ უთხრეს, უნივერსიტეტის შენობაში ბუხრები რამდენიმე ადგილზე იყო განთავსებული.
„ერთი ბუხარი იქნება პირველ სართულზე, დერეფნის ბოლოში, მეორე ბუხარიც იქნება დერეფნის ბოლოში, ოღონდ მეორე სართულზე. ამჟამად ამ კორპუსში სარემონტო სამუშაოები მიმდინარეობს და იყო საუბარი იმაზე, რომ ამ კორპუსის ის იერ-სახე აღგვედგინა“, – გვითხრეს ბსუ-ს პრესსამსახურში.
ადმინისტრაციის ინფორმაციით, ისტორიული ბუხრის თავდაპირველი იერ-სახის აღდგენაზე პროფესორები: ნოდარ ბარამიძე, რევაზ დიასამიძე და გიზო ფარცხალაძე მუშაობენ.
ბსუს- ინფორმაციით, ბუხრების აღდგენა 2 500 ლარი დაჯდება.
ფოტო, სადაც ერთ-ერთი ბუხარია აღბეჭდილი. სპეციალისტები ბუხრების აღდგენას ძველ ფოტომასალაზე დაყრდნობით აპირებენ.
