მთავარი,მთიანი აჭარა,რეკლამა,სიახლეები

თორნიკე რიჟვაძე ქედაში ინფრასტრუქტურულ პროექტებს გაეცნო

20.08.2018 • 2118
თორნიკე რიჟვაძე ქედაში ინფრასტრუქტურულ პროექტებს გაეცნო

აჭარის რეგიონის პირველი პირი მთავრობის წარმომადგენლებთან და მუნიციპალიტეტის ხელმძღვანელ პირებთან ერთად ქედაში მიმდინარე ინფრასტრუქტურულ პროექტებს 18 აგვისტოს გაეცნო:

„დღეს ქედის მუნიციპალიტეტში დავათვალიერეთ მიმდინარე ინფრასტრუქტურული პროექტები. მათ შორის ვნახეთ მშენებარე ბაღი, რომელიც ძალიან მალე შეძლებს მიიღოს პატარები. ასევე დავათვალიერეთ გზის მონაკვეთი, რომელიც უკვე დასრულებულია. ქედაში 12 კმ-მდე ასფალტო-ბეტონის გზა დაიგო წელს და ეს კარგი მაჩვენებელია. თუმცა კიდევ უფრო უნდა მოწესრიგდეს ის შიდა გზები, რომლებიც ქედის მუნიციპალიტეტს ესაჭიროება. სოფლის მეურნეობის მიმართულებით მნიშვნელოვანია ლოჯისტიკური ცენტრი, რომელიც ძალიან მალე დასრულდება და შეძლებს ადგილობრივებს და ფერმერებს ხელი შეუწყოს მათ მიერ მოყვანილი მოსავლის შენახვაში, გადამუშავებასა და შემდეგ უკვე ლოჯისტიკური ჯაჭვის დალაგებაში,“ – აღნიშნა თორნიკე რიჟვაძემ.

სოფელ ზუნდაგაში თანამედროვე ტიპის საბავშვო ბაღის მშენებლობა დასრულების ეტაპზეა. 50 აღსაზრდელზე გათვლილი შენობის მშენებლობისთვის ბიუჯეტიდან 791 270 ლარი დაიხარჯება. აშენდება სტანდარტების შესაბამისი, თანამედროვე ტიპის საბავშვო ბაღი საცურაო აუზით.

სოფელ მეძიბნაში მრავალფუნქციური სახლის მშენებლობა აქტიურ ფაზაშია. აღნიშნულ სივრცეში კულტურის სახლი, სოფლის კლუბი და სამედიცინო პუნქტი განთავსდება.

სოფელ მეძიბნაში მრავალფუნქციური სახლის მშენებლობა

მთავრობის წარმომადგენლებმა მოინახულეს ცხემნა-კორომხეთის დასრულებული 2-კილომეტრიანი ასფალტო-ბეტონის რეაბილიტირებული გზა. პროექტის შესახებ ინფორმაცია, რომლის ბიუჯეტი 750 513 ლარია, რეგიონის ხელმძღვანელს აჭარის ა/რ საავტომობილო გზებისა და სამელიორაციო სისტემების მართვის დეპარტამენტის უფროსის მოვალეობის შემსრულებელმა, რაულ ბერიძემ მიაწოდა.

ქედის მუნიციპალიტეტში სტუმრობისას აჭარის მთავრობის თავმჯდომარე ტურისტებისთვის ერთ-ერთ მიმზიდველ ადგილს – თამარის ხიდს ეწვია, ტურისტებს გაესაუბრა და მოისმინა მათი შეფასებები და რეკომენდაციები.

ქედაში აგრომომსახურების ცენტრის მშენებლობა დასრულების ეტაპზეა.

მთავრობის თავმჯდომარე აგრომომსახურების ცენტრის მშენებლობას ქედის მუნიციპალიტეტში მიმდინარე ინფრასტრუქტურული სამუშაოების მონიტორინგის ფარგლებში გაეცნო.

ცენტრის მშენებლობას მთავრობის თავმჯდომარესთან ერთად, აჭარის სოფლის მეურნეობის მინისტრი, ტიტე აროშიძე, საქართველოს პარლამენტის მაჟორიტარი დეპუტატი, ანზორ ბოლქვაძე და მუნიციპალიტეტის ხელმძღვანელი პირები გაეცნენ.

ცენტრები უზრუნველყოფენ პროდუქციის ტრანსპორტირებას, დახარისხებას, შენახვასა და სარეალიზაციო ქსელში მოხვედრას, რაც ფერმერებს დაეხმარება პროდუქციის რეალიზაციაში.

ქედაში აგრომომსახურების ცენტრის მშენებლობა დასრულების ეტაპზეა.

გადაბეჭდვის წესი