გონიოში მაშველებმა კიდევ ორი ადამიანი გადაარჩინეს [ვიდეო]

გონიოში მაშველებმა – ლერი შაინიძემ და ნიკა აბდულიშმა უკრაინის მოქალაქე, 20 წლის გოგო გადაარჩინეს. ​ახალგაზრდა ქალი ზღვის სანაპიროდან 15 მეტრის მოშორებით იმყოფებოდა და ზღვიდან გამოსვლას ვერ ახერხებდა. საგანგებო სიტუაციების მართვის სამსახურის ინფორმაციით, მის ჯანმრთელობას საფრთხე არ ემუქრება.

გარდა ამისა, გონიოშივე მაშველებმა – ოლეგ შავაძემ, მამუკა და მანუჩარ წულუკიძეებმა 34 წლის მამაკაცი გადაარჩინეს, რომელიც ზღვის სანაპიროდან ასევე 15 მეტრის მოშორებით იმყოფებოდა და ძლიერი ტალღების გამო ზღვიდან გამოსვლას ვერ ახერხებდა.

https://www.facebook.com/EmergencyManagementService/videos/1887814638189426/