31 ივლისს საბაჟო გამშვებ პუნქტ ,,სარფში“ არადეკლარირებული ოქროს საზღვარზე უკანონოდ შემოტანის მცდელობის ფაქტი აღიკვეთა.
ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის ფედერაციის მოქალაქის, ლ.ზ-ს ფიზიკური დათვალიერების შედეგად, 102.18 გრამი არადეკლარირებული ოქროს საიუველირო ნაკეთობები აღმოაჩინეს.
საქონლის საერთო საბაჟო ღირებულებამ 5,721 ლარი შეადგინა.
საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეს, სანქციის სახით, ფულადი ჯარიმა – 5,721 ლარის ოდენობით შეეფარდა.
