Batumelebi | დავით აღმაშენებლის ძეგლი ბათუმში აღმაშენებლის ქუჩის დასაწყისში დაიდგმება დავით აღმაშენებლის ძეგლი ბათუმში აღმაშენებლის ქუჩის დასაწყისში დაიდგმება – Batumelebi
ნეტგაზეთი • RU

დავით აღმაშენებლის ძეგლი ბათუმში აღმაშენებლის ქუჩის დასაწყისში დაიდგმება

ბათუმში დავით აღმაშენებლის ძეგლი ტბელ აბუსერიძისა და დავით აღმაშენებლის ქუჩების კვეთაში არსებულ წრიულში დაიდგმება. ამის შესახებ გადაწყვეტილება ბათუმის საკრებულომ მიიღო.

საკრებულომ აღნიშნული გადაწყვეტილება ოფიციალური წერილით აცნობა ქართული მარშის წევრს სანდრო ბრეგაძეს.

„აქვე მოგახსენებთ, რომ ძეგლის აღმართვამდე, ქალაქ ბათუმის მუნიციპალიტეტის მერია უზრუნველყოფს შერჩეულ ტერიტორიაზე მისი მოწყობის თაობაზე შესაბამისი საინფორმაციო დაფის განთავსებას,“ – ნათქვამია წერილში რომელსაც ხელს საკრებულოს განათლების, კულტურისა და სპორტის საკითხთა კომისიის თავმჯდომარე ირაკლი პატარიძე აწერს.

ძეგლის საკითხი მას შემდეგ გახდა აქტუალური, რაც „ქართულმა მარშმა“ ფეისბუქზე დეზინფორმაციული კამპანია დაიწყო. მარში წერდა, რომ „ადგილობრივი მთავრობა ბათუმში ძეგლის დადგმას მეზობელი სახელმწიფოების მოთხოვნით ვერ ბედავდა“.

სიცრუეა „ქართული მარშის“ ინფორმაცია, რომ ბათუმის მთავრობა აღმაშენებლის ძეგლს ვერ დგამს

მთავარი ფოტო: დავით აღმაშენებლის ძეგლი ქუთაისში
ნეტგაზეთის მასალების სხვა გამოცემებში გადაბეჭდვის წესი
ავტორი