Batumelebi | „უზრუნველთა თაობა”-დოკუმენტური ფილმი პლანეტის უმდიდრესი ადამიანების ცხოვრებაზე „უზრუნველთა თაობა”-დოკუმენტური ფილმი პლანეტის უმდიდრესი ადამიანების ცხოვრებაზე – Batumelebi
RU | GE  

„უზრუნველთა თაობა”-დოკუმენტური ფილმი პლანეტის უმდიდრესი ადამიანების ცხოვრებაზე

„უზრუნველთა თაობა“ (Generation Wealth) ახალი დოკუმენტური ფილმია და ამერიკული ოცნების კორუფციულ გარემოს ასახავს. ეს არის შთამბეჭდავი ვიზუალური ეფექტებით სავსე ისტორია, რომელიც სიმდიდრისადმი ადამიანების სულ უფროდაუფრო ველურ სწრაფვას გვაჩვენებს.

საქმე ეხება არა თავად მდიდრების ყოფას, არამედ სურვილს, გავხდეთ მდიდრები, რადაც არ უნდა დაგვიჯდეს.

რეჟისორი ლორენ გრინფილდი ფილმზე 30 წელი მუშაობდა პლანეტის ყველზე მდიდარი ადამიანების დოკუმენტური კადრების შესაგროვებლად.

ფილმის ფოკუსი მიმართულია კაპიტალიზმის ეპოქის ადამიანის სიმდიდრისკენ სწრაფვაზე, ნარცისიზმსა და სიხარბეზე. ფილმში პრეზიდენტი-მაგნატის როლში დონალდ ტრამპიც ჩნდება და საერთოდაც, რეჟისორი, ლორენ გრინფილდი ამბობს, რომ ფილმში ტრამპის თეთრ სახლამდე განვლილი გზაცაა ნაჩვენები.

ტრამპის მაგალითი ფილმის სიუჟეტის პიკია, ნაჩვენებია მისი, როგორც მდიდართა თაობის მთავარი წარმომადგენლის თვითგამოხატვის თავისებურებები, მთელი მისი ღირებულებათა სისტემა, რაც ყოველდღიურ ქმედებებში ჩანს და ა.შ.

ფილმის პრემიერა აშშ-ში 20 ივლისს გაიმართა, ახალ ფილმს მოგვიანებით ევროპის კინოთეატრებშიც აჩვენებენ.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com