ზაფხულის სეზონზე, აჭარაში ნაწლავური აშლილობების მატება ფიქსირდება, თუმცა ეპიდსეზონისთვის დამახასიათებელი დინამიკით – ამის შესახებ ინფორმაციას აჭარის საზოგადოებრივი ჯანდაცვის ცენტრი ავრცელებს.
აჭარის საზოგადოებრივი ჯანდაცვის ცენტრის ხელმძღვანელი ნინო ნიჟარაძე ამბობს, რომ აჭარაში სავარაუდო ინფექციური წარმოშობის დიარეას და საკვებისმიერი ინტოქსიკაციის შემთხვევების რაოდენობა ივნისს, ჯამურად 1400-ს აღწევს.
წელს ივნისის თვეში შემთხვევათა რაოდენობა თითქმის 2-ჯერ მეტია ვიდრე, გასულ თვეებში. შემთხვევათა მატება პიკს აღწევს ივლისსა და აგვისტოში, გარემოს მაღალი ტემპერატურის პირობებში.
დაავადებათა თავიდან აცილების მიზნით მნიშვნელოვანია:
• წყლისა და საკვები პროდუქტების უსაფრთხოება, საკვების თერმულად დამუშავებისა და შენახვის სათანადო ტემპერატურული რეჟიმის დაცვა
• პირადი ჰიგიენის დაცვა, ხელების სათანადოდ, ხშირი დაბანა
• სანიტარულ-ჰიგიენური პირობების დაცვა
