ბათუმის საზაფხულო თეატრთან ლუდის ფესტივალი მიმდინარეობს. დღეს, ღამის 12 საათამდე აქ ლუდი, მუსიკა და საინტერესო თამაშები დაგხვდებათ. ფესტივალი ყველა ასაკის სტუმარზეა გათვლილი. ბავშვებისთვის გამოყოფილია ცალკე სივრცე, სადაც მათ სხვადასხვა თამაშში შეუძლიათ ჩართვა.
გაიმართება შეჯიბრი ლუდის სმაში, გამარჯვებულებს კი საჩუქრად ლუდი გადაეცემათ. ფეხბურთის გულშემატკივრებს კი საშუალება ექნებათ მსოფლიო ჩემპიონატის მეოთხედფინალის მატჩებს დიდ ეკრანზე უყურონ.
ლუდის ფესტივალი საქველმოქმედოა. ფესტივალზე შემოსული თანხა ბათუმელი გვანცა დიასამიძის დასახმარებლად გადაირიცხება.
