მთავარი,სიახლეები

სერ ელტონ ჯონის კონცერტი შეკვეთილში [+ფოტო]

01.07.2018 • 3081
სერ ელტონ ჯონის კონცერტი შეკვეთილში [+ფოტო]

ბრიტანელმა მუსიკოსმა სერ ელტონ ჯონმა, 30 ივნისს, საკუთარ ბენთან ერთად  შეკვეთილში Black Sea Arena-ზე ორსაათიანი კონცერტი გამართა.

ელტონ ჯონი შეკვეთილში / ია ფრანგიშვილის ფოტო

„ბლექ სი არენას“ კარი საღამოს , დაახლოებით ექვს საათზე გაიღო. კონცერტის დაწყებამდე ადგილზე მისული მაყურებლისთვის,  დიდ ეკრანზე არგენტინა–საფრანგეთის თამაშიც უჩვენეს.

როგორც აღმოჩნდა, სერ ელტონ ჯონი ფეხბურთის დიდი მოყვარულია. კომპანია „ისთერნ პრომოუშენის” ინფორმაციით  მათ მუსიკოსის სხვა მოთხოვნებთან ერთად, კიდევ ერთი მნიშვნელოვანი დეტალის გათვალისწინება მოუხდათ – მომღერლის კულისებში აუცილებლად უნდა ყოფილიყო ტელევიზორი, რომელშიც მუდმივად სპორტული არხები იქნებოდა ჩართული.

ელტონ ჯონი / ია ფრანგიშვილის ფოტო

სანამ სცენაზე ელტონ ჯონი გამოვიდოდა მსმენელის გახურებაზე ნიუ იორკული კლუბის − Groove-ის ჯაზბენდი Kennedy Administration-ი წარსდგა.

გრემის ჯილდოს ექვსგზის მფლობელი, ბრიტანელი მუსიკოსი „Wonderful Crazy Night “-ის პროგრამით საქართველოს პირველად ეწვია. ელტონ ჯონმა ქართველი მსმენელის წინაშე შეასრულა, როგორც ცნობილი ჰიტები “Sorry seems to be the hardest word“, “I want love“, “Your song“… ასევე, სიმღერებi ბოლო სტუდიური ალბომიდან – „Wonderful Crazy Night“.

ელტონ ჯონის მსგავსად, ფეხბურთის მხურვალე გულშემატკივრები დარბაზშიც ისხდნენ, ზოგიერთი მათგანი საყვარელი მომღერლიმოსმენის პარალელურად, საყვარელი ფეხბურთის გუნდის თამაშსაც ადევნებდა თვალს:

 

კონცერტის მსვლელობისას ბენდის წევრებმა მსმენელებს გიტარის მედიატორისა და დასარტყამი ინსტრუმენტის ჯოხების სახით, სუვენირები დაუტოვეს.

კონცერტის დასრულების შემდეგ, მსმენელის თხოვნით სერ ელტონ ჯონმა კიდევ ერთი კომპოზიცია შეასრულა, შემდეგ კი სცენიდან ავტოგრაფებიც კი დაარიგა.

 

ელტონ ჯონი “ბლექ სი არენაზე” / ია ფრანგიშვილის ფოტო

საქართველოში ჩატარებული კონცერტის შემდეგ, სერ ელტონ ჯონი თავის კარიერაში უკანასკნელ ტურნეს იწყებს. გამოსამშვიდობებელი ტურნე Farewell Yellow Brick Road-ი 2018 წლის 8 სექტემბერს აშშ-ში დაიწყება და მის ფარგლებში ხუთ კონტინენტზე 300 შოუ გაიმართება. ტურნე 2021 წელს დასრულდება. როგორც თავად მუსიკოსმა სპეციალურ შეხვედრაზე გამოსვლისას თქვა, სიმღერების წერას იგი კვლავ განაგძობს, თუმცა კონცერტებს მსოფლიოს მასშტაბით აღარ გამართავს. ამის მიზეზად, მან ცხოვრებისეული პრიორიტეტებისშეცვლა დაასახელა.

ელტონ ჯონი “ბლექ სი არენაზე” / ია ფრანგიშვილის ფოტო

ბლექ სი არენაზე ელტონ ჯონისა და მისი ბენდის კონცერტი დრესაც გაიმართება.

ელტონ ჯონი “ბლექ სი არენაზე” / ია ფრანგიშვილის ფოტო

ია ფრანგიშვილის ფოტო

ია ფრანგიშვილის ფოტო

ელტონ ჯონის კონცერტი “ბლექ სი არენაზე” / ია ფრანგიშვილის ფოტო

ია ფრანგიშვილის ფოტო

გადაბეჭდვის წესი


ასევე: