ნეტგაზეთი • RU

49 მილიონი ლარი საქართველოს აეროპორტებს შორის მგზავრთა გადაყვანისთვის

„საქართველოს აეროპორტების გაერთიანებამ“ მის მიერვე დადგენილი გრაფიკითა და პირობებით მგზავრთა საჰაერო ტრანსპორტით გადაყვანაზე ელექტრონული ტენდერი გამოაცხადა.  4 წლის განმავლობაში საქართველოს მოქმედ აეროპორტებს შორის მგზავრთა საჰაერო გადაყვანისთვის აეროპორტების გაერთიანებას 49 672 332 ლარი აქვს გათვალისწინებული.

სატენდერო პირობების მიხედვით, ავიარეისები: მესტია-ქუთაისი-მესტია, ნატახტარი-მესტია-ნატახტარი, ნატახტარი-ამბროლაური-ნატახტარი, უნდა შესრულდეს მცირე ზომის [არანაკლებ 15 ადგილიანი] საჰაერო ხომალდით. ხოლო, ავიარეისი: თბილისი-ბათუმი-თბილისი, საშუალო ზომის [არანაკლებ 30 ადგილიანი] საჰაერო ხომალდით.

მცირე ზომის საჰაერო ხომალდით – საორიენტაციო ჯამური რაოდენობა არის 2248 რეისი; საშუალო ზომის საჰაერო ხომალდით კი – საორიენტაციო ჯამური რაოდენობაა 2487 რეისი.

კვირაში დაგეგმილი რეისების რაოდენობა საშუალო ზომის საჰაერო ხომალდისთვის:

თბილისი – ბათუმი – თბილისი

 იანვარი – 14 რეისი;
თებერვალი – 14 რეისი;
მარტი – 14 რეისი;
აპრილი – 14 რეისი;
მაისი – 14 რეისი;
ივნისი – 14 რეისი;
ივლისი – 14 რეისი;
აგვისტო – 14 რეისი;
სექტემბერი – 14 რეისი;
ოქტომბერი – 14 რეისი;
ნოემბერი – 14 რეისი;
დეკემბერი – 14 რეისი.

კვირაში დაგეგმილი რეისების რაოდენობა მცირე ზომის საჰაერო ხომალდისთვის: 

მესტია – ქუთაისი – მესტია

იანვარი – 2 რეისი;
თებერვალი – 2 რეისი;
მარტი – 2 რეისი;
აპრილი – 2 რეისი;
მაისი – 2 რეისი;
ივნისი – 2 რეისი;
ივლისი – 2 რეისი;
აგვისტო – 2 რეისი;
სექტემბერი – 2 რეისი;
ოქტომბერი – 2 რეისი;
ნოემბერი – 2 რეისი;
დეკემბერი – 2 რეისი;

ნატახტარი-მესტია – ნატახტარი

იანვარი – 6 რეისი;
თებერვალი – 6 რეისი;
მარტი – 6 რეისი;
აპრილი – 6 რეისი;
მაისი – 9 რეისი;
ივნისი – 9 რეისი;
ივლისი – 9 რეისი;
აგვისტო – 9 რეისი;
სექტემბერი – 9 რეისი;
ოქტომბერი – 6 რეისი;
ნოემბერი – 6 რეისი;
დეკემბერი – 6 რეისი;

 ნატახტარი-ამბროლაური-ნატახტარი

იანვარი – 3 რეისი;
თებერვალი – 3 რეისი;
მარტი – 3 რეისი;
აპრილი – 3 რეისი;
მაისი – 4 რეისი;
ივნისი – 4 რეისი;
ივლისი – 4 რეისი;
აგვისტო – 4 რეისი;
სექტემბერი – 4 რეისი;
ოქტომბერი – 3 რეისი;
ნოემბერი – 3 რეისი;
დეკემბერი – 3 რეისი;

ტენდერის პირობებში აღნიშნულია, რომ რეისების საორიენტაციო ჯამური რაოდენობები მითითებულია მოცემული დაგეგმილი განრიგის მიხედვით, 3 წლისა და 6 თვის პერიოდზე. ამასთან, ხელშეკრულება გაფორმდება მომსახურების დაწყების თარიღიდან არაუმეტეს 4 წლის ვადით და, თუ დაგეგმილი განრიგის ფარგლებში იქნება შეუსრულებელი რეისები და აუთვისებელი თანხები, მათი გამოყენება მოხდება მთელი ამ სახელშეკრულებო ვადის განმავლობაში.

სატენდერო პირობების მიხედვით, ავიაბილეთების ფასს ადგენს შპს „საქართველოს აეროპორტების გაერთიანება“ მიმართულებების მიხედვით. ამასთან:

  • ავიაბილეთების რეალიზაციას „საქართველოს აეროპორტების გაერთიანების“ მიერ დადგენილი წესითა და პირობებით უზრუნველყოფს „მიმწოდებელი“;
  • ავიაბილეთების რეალიზაციით მიღებული თანხები გადახდილ უნდა იქნას „საქართველოს აეროპორტების გაერთიანებისთვის“ ან გაიქვითოს „მიმწოდებლისთვის“ ყოველთვიურად გადასახდელ თანხებთან;
  • თუ „მიმწოდებელი“ თბილისი-ბათუმი-თბილისის მიმართულებით ფრენას შეასრულებს 40-ზე მეტ ადგილიანი საჰაერო ხომალდით, 40 ადგილზე ზევით გაყიდული ბილეთების თანხები იქნება „მიმწოდებლის“ საკუთრება, მათ შორის ეს უკანასკნელი უფლებამოსილი იქნება საკუთარი სურვილისამებრ განსაზღვროს 40 ადგილზე ზევით მგზავრობის საფასურიც. გასათვალისწინებელია, რომ „მიმწოდებელი“ მხოლოდ იმ შემთხვევაშია უფლებამოსილი გაყიდოს მისი კუთვნილი ბილეთები, მის მიერვე დადგენილ ფასად, თუ სრულად არის რეალიზებული „საქართველოს აეროპორტების გაერთიანების“ ბილეთები შესაბამის ფრენაზე.

ტენდერში წინადადებების მიღება 2018 წლის 9 ივლისს დაიწყება და 12 ივლისს დასრულდება. აეროპორტების გაერთიანებაში აცხადებენ, რომ სატენდერო პროცედურების დასრულებას დაახლოებით 5 თვე დასჭირდება, აქედან 3 თვე ტენდერში გამარჯვებულს მიეცემა იმისთვის, რომ საჰაერო ხომალდის მობილიზება მოახდინოს.

2018 წლის ხუთ თვეში [ივლისი-ნოემბერი] კი ადგილობრივ ავიარეისებზე აეროპორტების გაერთიანება გააფორმებს ხელშეკრულებას ტენდერის გარეშე, რაზედაც შესყიდვების სააგენტოსგან თანხმობას ითხოვს. შესყივის თანხა 2 329 400 აშშ დოლარია.

ამ შემთხვევაშიც მომსახურების გაწევა უნდა განხორციელდეს ორი ტიპის – საშულო და მცირე ზომის საჰაერო ხომალდებით შემდეგი მიმართულებების მიხედვით:

მცირე ზომის საჰაერო ხომალდისთვის თვეში დაგეგმილი სიხშირეები:

მესტია – ქუთაისი – მესტია
ივლისი – 8 სიხშირე
აგვისტო – 8 სიხშირე
სექტემბერი – 8 სიხშირე
ოქტომბერი – 8 სიხშირე
ნოემბერი – 8 სიხშირე

ნატახტარი – მესტია – ნატახტარი
ივლისი – 36 სიხშირე
აგვისტო – 36 სიხშირე
სექტემბერი – 36 სიხშირე
ოქტომბერი – 24 სიხშირე
ნოემბერი – 24 სიხშირე

ნატახტარი – ამბროლაური – ნატახტარი 
ივლისი – 16 სიხშირე
აგვისტო – 16 სიხშირე
სექტემბერი – 16 სიხშირე
ოქტომბერი – 12 სიხშირე
ნოემბერი – 12 სიხშირე

საშუალო ზომის საჰაერო ხომალდისთვის კვირაში დაგეგმილი სიხშირეები:

თბილისი-ბათუმი-თბილისი 
ივლისი – 56 სიხშირე
აგვისტო – 56 სიხშირე
სექტემბერი – 56 სიხშირე
ოქტომბერი – 56 სიხშირე
ნოემბერი – 56 სიხშირე

აღნიშნული მოცულობები შპს „საქართველოს აეროპორტების გაერთიანების“ გადაწყვეტილებით შეიძლება შეიცვალოს და გადანაწილდეს ჯამური სახელშეკრულებო ღირებულების ფარგლებში.

ბათუმის საერთაშორისო აეროპორტი / ფოტო: მანანა ქველიაშვილი

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com