15 ივნისს ბათუმში კლასიკური მუსიკის ფესტივალი Odessa Classics Batumi Weekend-ი გაიმართება. ესტონეთის სახელმწიფო სიმფონიური ორკესტრი, ნიკოლოზ რაჭველი, ალექსეი ბოტვინოვი და გიორგი ცაგარელი ბათუმის მუსიკალურ ცენტრში გია ყანჩელის და სერგეი რახმანინოვის ნაწარმოებებს შეასრულებენ.
“წელს საქართველო და ესტონეთი დამოუკიდებლობის 100 წლის იუბილეს აღნიშნავენ, ამ თარიღების აღსანიშნავად ესტონეთის სახელმწიფო სიმფონიური ორკესტრი საქართველოს ეწვევა. მათ პროექტს ჰქვია – “ყველას უყვარს საქართველო”,” – ნათქვამია ფესტივალის ორგანიზატორების მიერ გავრცელებულ რელიზში.
“Odessa Classics Batumi Weekend”-ი კულტურული დიპლომატიის სფეროში ცნობილი საერთაშორისო პროექტების ავტორის, მეელის კუბიტსის და ფესტივალ Odessa Calssics-ის დამფუძნებელის ალექსეი ბოტვინოვის ორგანიზებით იმართება. პროექტის მხარდამჭერია ოდესის ოლქის მთავრობა, აჭარის მთავრობა და აჭარის განათლების, კულტურისა და სპორტის სამინისტრო.
წელს კლასიკური მუსიკის ფესტივალს ყოველწლიური საერთაშორისო კონფერენციის – „საქართველოს ევროპული გზა“ – დელეგატებიც დაესრებიან.
ფესტივალი ბათუმის სახელმწიფო მუსიკალურ ცენტრში 19:00 საათზე დაიწყება.
