ნეტგაზეთი • RU

 სარფსა და ქუთაისის აეროპორტში ნარკოტიკული მედიკამენტები ამოიღეს

12 – 19 მაისს, საბაჟო გამშვებ პუნქტებში „სადახლო-საავტომობილო“, ,,გუგუთი“, ,,კარწახი“, ,,სარფი“ და ,,ქუთაისის აეროპორტი“, ნარკოტიკული ნივთიერების შემცველი მედიკამენტების ქვეყნის საზღვარზე უკანონოდ შემოტანის ფაქტები აღიკვეთა.

ფინანსთა სამინისტროს შემოსავლების სამსახურის ინფორმაციით, მებაჟე ოფიცრებმა, ეჭვის საფუძველზე, საქართველოს, ტაილანდის, თურქეთისა და სომხეთის მოქალაქეების ავტომობილებისა და  ფიზიკური  დათვალიერების შედეგად, 37 აბი ნარკოტიკული  ნივთიერებების შემცველი მედიკამენტები და 1 გრამი ნარკოტიკული ნივთიერება მარიხუანა აღმოაჩინეს.

საქმეთა მასალები, შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცათ.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან