წაბლანის ტრაგედიის შემდეგ. 1990. უჩა ოქროპირიძის ფოტო. წყარო: ციფრული ბიბლიოთეკა “ივერიელი”
1989 წლის 19 აპრილს აჭარის მაღალმთიან სოფელ წაბლანაში ჩამოწოლილი მეწყრის შედეგად 23 ადამიანი დაიღუპა, მათ შორის სამი ბავშვი.
მაშინდელმა ხელისუფლებამ წაბლანელები ბათუმში, სხვაადსხვა პანსიონატში შეასახლა იმის პირობით, რომ მათთვის საცხოვრებელს გამოყოფდა.
პანსიონატებში შეხიზნული წაბლანელების პრობლემის მოგვარებაზე არც ერთმა ხელისუფლებამ არ იმუშავა.
სტიქიის შედეგად დაზარალებულებს მხოლოდ 2015 წელს გამოუყეს ნიწის ნაკვეთი ბათუმში.
შეიქმნა ბინათმშენებლობის ამხანაგობა – „წაბლანა 2015“- ს, რომლის წევრი სოფელ წაბლანაში მცხოვრები სტიქიური მოვლენების შედეგად დაზარალებული 208 ოჯახია, რომელთაც აჭარის მთავრობამ სამი წლის წინ ბათუმში, ტაბიძის ქუჩაზე, 5001 კვ.მ მიწის ნაკვეთი და საცხოვრებელი სახლის მშენებლობისთვის საჭირო 1 550 000 ლარი გამოუყო.
საცხოვრებელ სახლში, რომელიც ტაბიძის ქუჩაზე, 7/9-ში მდებარეობს, დაახლოებით 456 ბინა მოეწყობა, რომლებიც 164 დევნილ ოჯახსა და სოფელ წაბლანაში სტიქიის შედეგად დაზარალებულ 208 ეკომიგრანტ ოჯახს გადაეცემა. ბათუმში, ტაბიძის ქუჩაზე, კორპუსების სამშენებლო სამუშაოებს კომპანია „ჯი2ბილდინგი“ აწარმოებს. მშენებლობა 2016 წელს დაიწყო და ის 2018 წლის შემოდგომაზე დასრულდება.
ახალაშენებულ კორპუსებში საცხოვრებელი ფართობის მიღების მოთხოვნით, დევნილი ოჯახების განაცხადების მიღება 26 მარტს დაიწყო და 25 აპრილამდე გრძელდება.
აჭარის მაღალმთიანეთში კვლავ რჩება მეწყერსაშიში ზონები, სადაც მოსახლეობა საფრთხის ქვეშაა. მთავრობის პროგრამის ფარგლებში მათი განსახლება უსაფრთხო ადგილებში ეტაპობრივად ხორციელდება.
წაბლანელთა უფლებების დასაცავად მიტინგი/ წაბლანელები ბინით დაკმაყოფილებას ითხოვენ. უჩა ოქროპირიძის ფოტო. წყარო: ციფრული ბიბლიოთეკა “ივერიელი”
სტიქიით დაზარალებულ წაბლანელთა ჭირისუფალნი. 1990. უჩა ოქროპირიძის ფოტო. წყარო: ციფრული ბიბლიოთეკა “ივერიელი”
ამავე თემაზე:
https://netgazeti.ge/news/42118/
https://batumelebi.netgazeti.ge/adjara/37601/
https://batumelebi.netgazeti.ge/news/309640/
https://batumelebi.netgazeti.ge/archive/39324/
