რამდენიმე ათეული წლის წინ, როცა რობოტები მხოლოდ შორეული მომავლის პერსპექტივა იყო, ალბათ ვერავინ წარმოიდგენდა, რომ სულ რაღაც 30-100 დოლარად, ონლაინ შოპინგის მეშვეობით, პერსონალურ რობოტს შეიძენდა. ახლა ეს სავსებით შესაძლებელია.

ჩვენ ხუთი პატარა რობოტი მოვძებნეთ, რომელთა ფასიც 300 დოლარამდეა. რა თქმა უნდა, ისინი ადამიანის აღნაგობისა არ არიან, თუმცა უნარებითა და ფუნქციურობით – ჩვენი გართობა და დახმარებაც შეუძლიათ.

1. WowWee-ს რობოტი ძაღლი CHiP-ი

თუ ძალიან პატარა ბინა გაქვთ, ან სხვა ობიექტური მიზეზების გამო სახლში ძაღლის ყოლა არ შეგიძლიათ, შესაძლოა თქვენ ან თქვენმა შვილებმა რობოტი CHiP-ი დაიმეგობროთ. ამ რობოტს შეუძლია გადაადგილდეს, შემოგეგებოთ სახლში მოსულს, გამოხატოს ალერსი, გაგიხახუნოთ ცხვირი, ზოგჯერ დაგიყეფოთ კიდეც და, უბრალოდ, გახდეს თქვენი მეგობარი. CHiP-თან კომუნიკაცია ხდება სპეციალური სამაჯურის საშუალებით.

ახალი CHiP რობოტი Amazon-ზე 200-250 დოლარი ღირს, მეორადი კი 100 დოლარის ფარგლებში.

 2. Appbot Riley 2.0 –რობოტიზირებული დაცვა თქვენი სახლისთვის

ეს რობოტი სიგნალიზაციისა და სახლის სათვალთვალო კამერების ალტერნატივაა. wifi-სთან კავშირის საშუალებით Riley მოგზაურობს სახლში, იყენებს ღამის ხედვის კამერას და მოძრაობის დეტექტორებს, რათა დაიჭიროს ნებისმიერი საეჭვო აქტივობა და გამოაგზავნოს განგაშის სიგნალი თქვენს მობილურ ტელეფონზე. რობოტს ასევე გააჩნია შიგნით ჩაშენებული მიკროფონი, რომელიც საშუალებას გაძლევთ მოისმინოთ თუ რა ხდება სახლში.
Appbot Riley 2.0-სი ფასი 170 დოლარამდეა.

3.  Cue – რობოტი ხასიათით

25 სანტიმეტრის სიმაღლის Wonder Workshop-ის რობოტი Cue აღჭურვილია ემოციური ინტელექტით, რომელსაც ავატარების მიხედვით “ხასიათები” (მამაცი, გიკი ან მომხიბვლელი) და შესაძლებლობები შეგიძლიათ შეურჩიოთ.

Cue CleverBot-ს ეკონტაქტებით ტექსტური შეტყობინებებით, მას შეუძლია გიპასუხოთ ხუმრობებით, მახვილგონივრული პასუხებითა და მემეებითაც კი. Cue მუშაობს iOS-თან, ანდროიდთან და Kindle Fire HD (8, 10)-თან.

ამ რობოტის შეძენა  Amazon-ზე, 200 დოლარადაა შესაძლებელი.

 4. Anki-ს Cozmo – პატარა რობოტი ემოციებით

პატარა, მომხიბვლელი და ჭკვიანი რობოტიზირებული მეგობარი, რომელიც იკვლევს, იმახსოვრებს, გეთამაშებათ და ძალიან საინტერესოდ რეაგირებს მის ირგვლივ არსებულ გარემოზე.
მოწყენილობის დროს შეგიძლიათ მას თამაშებში შეეჯიბროთ და დააკვირდეთ მის ბრაზიან ემოციებს წაგების დროს. Cozmo-ს თვალები მუშაობს როგორც პატარა ვიდეოკამერები, ასე რომ ზოგჯერ შეგიძლიათ მობილური ტელეფონით დააკვირდეთ გარემოს, მისი პერსპექტივიდან.

ცოტათი რთული ასახსნელია თუ რა არის Cozmo. მისი შემქმნელების შეფასებით Cozmo არის ხელოვნური ინტელექტის მქონე პატარა რობოტიზებული მანქანა, რომელსაც აქვს ხასიათი და თუ საკმარის ყურადღებას არ მიაქცევთ, გაღიზიანდება და გაგიწყრებათ კიდეც. იგი ცოტათი Pixar-ის wall-e–ს ჩამოჰგავს.

Cozmo-ს აპლიკაცია ერგება iOS-სა და Android-ს. Cozmo-ს ფასი Amazon-ზე 170-დან 250 დოლარამდეა.

5. რობოტი-მტვერსასრუტი Roomba 690

IRobot-ის Roomba 690 შეგიძლიათ გააკონტროლოთ მობილური ტელეფონიდან wifi-ს საშუალებით, ასევე მიამაგროთ Amazon Alexa-ს.

ჭკვიანი სენსორების საშუალებით რობოტი წმენდს ავეჯის ქვეშ, მოძრაობს მის ირგვლივ, რათა სრულად მოასუფთავოს იატაკი. Roomba-ს ფილტრები ეფექტურად იჭერენ სხვადასხვა ნამცეცსა და წვრილ მტვერსაც კი.

რობოტი ავტომატურად ახდენს თავისი სიმაღლის ადაპტირებას ხალიჩებისა და მყარი იატაკების უფრო ეფექტური წმენდისთვის. თქვენ შეგიძლიათ მობილური აპლიკაციის საშუალებით მართოთ იგი სახლში მიუსვლელადაც. ასევე დააპროგრამოთ იგი ყოველდღიურ წმენდაზე, ასეთ რეჟიმში Roomba-ს შეხსენებაც არ დასჭირდება იატაკის დასასუფთავებლად.

წმენდის დროს, Roomba-ს შეუძლია ამოიცნოს და დაიმახსოვროს ის ადგილები, სადაც განსაკუთრებულად დაბინძურებულია იატაკი. რობოტს შეუძლია თავისით ჩაირთოს თავი ელემენტის დამტენ სადგურში და წმენდა გააგრძელოს მას შემდეგ, როცა ელემენტები კვლავ სავსე ექნება.

IRobot-ის უახლესი მოდელის Roomba – რობოტების ფასი 700 დოლარამდეა,  Roomba 690კი  Amazon-ზე 299 დოლარად  შეგიძლიათ შეიძინოთ.