აჭარის მაღალმთიან მუნიციპალიტეტებს დღეს, 29 მარტს, სამედიცინო ინვენტარით აღჭურვილი ექვსი სასწრაფო სამედიცინო დახმარების ავტომობილი გადასცეს. ქედას, ხულოსა და შუახევს ორ-ორი ავტომობილი გადაეცა.
„სამედიცინო სერვისების გაუმჯობესება ერთ-ერთი პრიორიტეტია. ექვსი ახალი, საერთაშორისო სტანდარტის სასწრაფოს მანქანები გადავეცით მუნიციპალიტეტებს, ეს არის მაღალი გამავლობის, რომელიც მუნიციპალიტეტებს მოემსახურება, სადაც საკმაოდ რთული რელიეფია. არსებობს სოფლები, სადაც ფიზიკურად რთული იყო მისვლა სასწრაფო დახმარების მანქანებისთვის და ამ მანქანებით დარწმუნებული ვარ, სწრაფად, ოპერატიულად მოხდება მომსახურება. ყველა სოფელში იქნება წვდომა და ეს არის წინგადადგმული ნაბიჯი,“ – განაცხადა ზურაბ პატარაძემ ქედაში.
ავთანდილ თალაკვაძე, საგანგებო სიტუაციების კოორდინაციისა და გადაუდებელი დახმარების ცენტრის დირექტორი: „მაღალმთიან აჭარაში ყოველთვის გამოწვევად რჩებოდა სამედიცინო ტრანსპორტი. 2014 წლიდან შევცვალეთ ავტოპარკი მაღალი გამავლობის ფოლკსვაგენის ავტომობილებით, მაგრამ საჭიროებამ გვაჩვენა, რომ სჭირდებოდა უფრო მაღალი გამავლობის ჯიპის ტიპის ავტომობილები. ვფიქრობთ, რომ ეს ყველაფერი სამედიცინო ხარისხის გაუმჯობესებას შეუწყობს ხელს.“
