მთავარ ფოტოზე: სამძებრო სამუშაოები მდინარესთან. ფოტო: შუახევის მერია
უკვე მესამე დღეა შუახევში, შუბნის ხეობაში, მდინარე ჩირუხისწყალთან დაკარგულ მურმან ფუტკარაძეს ეძებენ. 14 წლის ბიჭი 20 მარტს მეგობრებთან ერთად თამაშობდა, ბურთი დაგორდა და მოზარდი ბურთს მდინარისპირას გაჰყვა, სადაც ციცაბო დაღმართია. მას შემდეგ იგი არავის უნახავს.
ორი დღის განმავლობაში ადგილზე მუშაობდნენ შუახევის, ხულოს, ქედის, ბათუმის სახანძრო – სამაშველო ბრიგადები, სულ 60-მდე მაშველი და 2 მყვინთავი. შუახევის მერიის ცნობით, დღეიდან სამძებრო სამუშაოებში ჩაერთო დამატებით ერთი მყვინთავი, თბილისის სახანძრო- სამაშველო ბრიგადები და დღეიდან სამძებრო სამუშაოები ჩირუხისწყლისა და აჭარისწყლის სანაპიროებთან გრძელდება.
სამძებრო სამუშაოებში არიან ჩართული ადგილობრივი თვითმმართველობის წარმომადგენლები და შსს-ს შუახევის რაიონული სამმართველოს თანამშრომლები.