ენვერ ხაბაძის სახელობის ქორეოგრაფიულმა ანსამბლმა იტალიაში ფესტივალზე გრანპრი მოიპოვა


ენვერ ხაბაძის სახელობის სახელმწიფო ქორეოგრაფიულმა ანსამბლმა იტალიაში, აგრიჯენტოში გამართულ ფოლკლორულ საერთაშორისო ფესტივალზე გრანპრი მოიპოვა. ანსამბლი ბათუმის ხელოვნებისა და კულტურის ცენტრის ბაზაზე მუშაობს.

ქორეოგრაფიული ანსამბლი იტალიაში საერთაშორისო ფესტივალზე 4 მარტს გაემგზავრა. გასტროლისთვის ხარჯების ნაწილი ბათუმის მერიამ დაფარა.

აგრიჯენტოში, “ნუშის ყვავილობის საერთაშორისო ფესტივალი” წელს 73-ედ ჩატარდა. იგი ყოველ წელს თებერვლის დასაწყისში იწყება და ერთ კვირას გრძელდება. წელს ფესტივალში სხვადასხვა ქვეყნის 20 ანსამბლი მონაწილეობდა.

ენვერ ხაბაძის სახელობის სახელმწიფო ქორეოგრაფიული ანსამბლი 1992 წელს დაარსდა. წელს იგი 26 წლის ხდება.

თორნიკე თავაძის ფოტო

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან