Batumelebi | 59 წლის მამაკაცი: “ცოდვა ვარ პატიმრობისთვის” 59 წლის მამაკაცი: “ცოდვა ვარ პატიმრობისთვის” – Batumelebi
RU | GE  

59 წლის მამაკაცი: “ცოდვა ვარ პატიმრობისთვის”


ბათუმში, სასტუმრო “მერკურის” მიმდებარე ტერიტორიაზე, უცენზურო სიტყვებისა და ხმაურის გამო დააკავეს ნასვამ მდგომარეობაში მყოფი 59 წლის მამაკაცი. პატრულის თანამშრომელმა თქვა, რომ დაკავების დროს მამაკაცმა წინააღმდეგობა გაუწია სამართალდამცავებს. ბრალდებული ქობულეთში ცხოვრობს. მან მოსამართლეს უთხრა, რომ ძალიან რცხვენია მომხდარის გამო. “უხერხულად ვგრძნობ თავს ბატონო მოსამართლევ, პატიებას ვითხოვ”. მოსამართლემ ბრალდებულს განუმარტა, რომ ბრალდება ითვალისწინებდა ჯარიმას ან პატიმრობას. “პატიმრობისთვის ცოდვა ვარ”,
– ასე უპასუხა მოსამართლის განმარტებას ბრალდებულმა.


 

 

მოსამართლის გადაწყვეტილებით, მამაკაცს სახელმწიფო ბიუჯეტის სასარგებლოდ 250 ლარის გადახდა დაეკისრა. ის სასამართლო დარბაზიდან გაათავისუფლეს.

ნეტგაზეთის მასალების სხვა გამოცემებში გადაბეჭდვის წესი
ნათია როყვა