Batumelebi | ბათუმში სამუფთოს ახალი რეზიდენცია გაიხსნა ბათუმში სამუფთოს ახალი რეზიდენცია გაიხსნა – Batumelebi
RU | GE  

ბათუმში სამუფთოს ახალი რეზიდენცია გაიხსნა

 

დღეს, 5 ოქტომბერს, ბათუმში, ანგისის დასახლებაში, სამუფთოს ახალი რეზიდენცია ოფიციალურად გაიხსნა. შენობა, სადაც ადრე სასტუმრო „კრისტალი“ იყო განთავსებული,  აჭარის მთავრობამ სამუფთოსთვის რამდენიმე თვის წინ  შეიძინა. რეზიდენციის გახსნას  დასავლეთ საქართველოს მუფთი ბეგლარ ქამაშიძე, სამუფთოს წარმომადგენლები და რელიგიის საკითხთა სახელმწიფო სააგენტოს ხელმძღვანელი  ზაზა ვაშაყმაძე ესწრებოდნენ.  მუსლიმთა სამუფთოსთვის ქონების შესაძენად საქართველოს მთავრობამ 4 მილიონ 486 400 ლარი სარეზერვო ფონდიდან გამოყო.

 

 

 

სამუფთოს ახალი რეზიდენცია ბათუმში

 

თხსართულიან შენობაში, სამუფთოს გარდა,  ადმინისტრაციის სხვადასხვა სამსახურიც განთავსდება. 

 

გარდა აღნიშნული შენობა-ნაგებობისა, მუსლიმ თემს ბათუმში, ანგისის დასახლებაში,  იტალიური სკოლის ყოფილი შენობაც გადაეცა.  სამუფთოს წარმომადგენელთა ინფორმაციით, შენობაში სასულიერო სკოლის გახსნა იგეგმება.

 

სამუფთოს გადაეცა იტალიური სკოლის ყოფილი შენობაც

 

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"