Batumelebi | პროფკავშირებმა ბათუმში ”ღირსეული შრომის დღე” აღნიშნეს [ფოტო | ვიდეო] პროფკავშირებმა ბათუმში ”ღირსეული შრომის დღე” აღნიშნეს [ფოტო | ვიდეო] – Batumelebi
RU | GE  

პროფკავშირებმა ბათუმში ”ღირსეული შრომის დღე” აღნიშნეს [ფოტო | ვიდეო]

 

 

  აჭარის პროფესიული კავშირების გაერთიანების წევრებმა „ღირსეული შრომის დღესთან“ დაკავშირებით ბათუმში მსვლელობა მოაწყვეს. მსვლელობის 400-მდე მონაწილემ, 6 მაისის პარკიდან ევროპის მოედნამდე მემედ აბაშიძის ქუჩა ჩაიარა. მათ ხელში ტრანსპარანტები ეკავათ წარწერით: „უსაფრთხო შრომა“, „შრომა, სამართლიანობა, სოლიდარობა“, „შრომის უფლება ადამიანის ძირითადი უფლებაა“  და სხვა.

აქციის ერთ-ერთი მონაწილე

მსვლელობას აჭარის პროფესიული კავშირების გაერთიანების თავმჯდომარე ილია ვერძაძე მიუძღოდა და რუპორით ახსენებდა საზოგადოებას შრომით უფლებებს.

ილია ვერძაძე: „დღეს საქართველოში ოქტომბრის პირველი შაბათია, „ღირსეული შრომის დღე“, რომელიც საქართველოს პროფკავშირების გაერთიანებამ 2008 წელს დააფუძნა. თუმცა, მალე, შვიდი თვის შემდეგ ITUS-მაც (International Trade Union Confederation – პროფკავშირების საერთაშორისო კონფედერაცია) გამოაცხადა 7 ოქტომბერი ასევე „ღირსეული შრომის მსოფლიო დღედ“. იმის გამო, რომ დაემთხვა და ახლოსაა ეს თარიღები, საქართველოში კვირეულის სახით აღვნიშნავთ.

[ეს აქცია არის] ხელისუფლების, დამსაქმებლების, ნებისმიერი მოქალაქისა და ზოგადად, საზოგადოების ყურადღების მიქცევა ღირსეული შრომისადმი.

სხვადასხვანაირად აღვნიშნავთ ამ დღეს. შარშან, მაგალითად, თბილისში ვიყავით და იქ აღვნიშნეთ. შეიძლება სხვა დროს კონფერენცია მივუძღვნათ ამ დღეს“.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი