პროფკავშირებმა ბათუმში ”ღირსეული შრომის დღე” აღნიშნეს [ფოტო | ვიდეო]

აქციის ერთ-ერთი მონაწილე

მსვლელობას აჭარის პროფესიული კავშირების გაერთიანების თავმჯდომარე ილია ვერძაძე მიუძღოდა და რუპორით ახსენებდა საზოგადოებას შრომით უფლებებს.

ილია ვერძაძე: „დღეს საქართველოში ოქტომბრის პირველი შაბათია, „ღირსეული შრომის დღე“, რომელიც საქართველოს პროფკავშირების გაერთიანებამ 2008 წელს დააფუძნა. თუმცა, მალე, შვიდი თვის შემდეგ ITUS-მაც (International Trade Union Confederation – პროფკავშირების საერთაშორისო კონფედერაცია) გამოაცხადა 7 ოქტომბერი ასევე „ღირსეული შრომის მსოფლიო დღედ“. იმის გამო, რომ დაემთხვა და ახლოსაა ეს თარიღები, საქართველოში კვირეულის სახით აღვნიშნავთ.

[ეს აქცია არის] ხელისუფლების, დამსაქმებლების, ნებისმიერი მოქალაქისა და ზოგადად, საზოგადოების ყურადღების მიქცევა ღირსეული შრომისადმი.

სხვადასხვანაირად აღვნიშნავთ ამ დღეს. შარშან, მაგალითად, თბილისში ვიყავით და იქ აღვნიშნეთ. შეიძლება სხვა დროს კონფერენცია მივუძღვნათ ამ დღეს“.