ნეტგაზეთი • RU

როგორი ამინდი იქნება შაბათ-კვირას ბათუმში

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უახლოეს დღეებში აჭარის დაბლობში უმეტესად ღრუბლიანი ამინდია მოსალოდნელი, ძირითადად – უნალექოდ.

„მოსალოდნელია ცვალებადი მოღრუბლულობა, უმეტესად უნალექოდ. ჰაერის ტემპერატურა სანაპირო რაიონებში იქნება დღისით 9-14, ღამით – 2-7, მთაში – 3-8 გრადუსი სითბო, ღამით – 0-3 გრადუსი ყინვა.  იქროლებს ცვალებადი მიმართულების ქარი, 10-15 მეტრი წამში.

მომდევნო ორ დღეს შენარჩუნდება უმეტესად უნალექო ამინდი,“  – უთხრეს „ბათუმელებს“ გარემოს ეროვნული სააგენტოს აჭარის რეგიონალურ ჰიდრომეტეოროლოგიურ ობსერვატორიაში.

ზღვის წყლის ტემპერატურა ამ დროისათვის 8 გრადუსია.

ამინდის უფრო გრძელვადიან პროგნოზს აქვეყნებს გარემოს ეროვნული სააგენტო. ამინდის 10-დღიან პროგნოზში მითითებულია, რომ ორშაბათიდან ბათუმში ძირითადად წვიმიანი და მოღრუბლული ამინდია მოსალოდნელი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com