შავი ზღვის ბინადრები ახლო ხედით [ვიდეო]

გინახავთ ზღვის ფინია სფინქსი,  შენიღბვის ოსტატი ქამბალა ან ზღვის ფსკერზე მფრინავი კუდხანჯალა სკაროსი?  იცით, რომ კოლხური ზუთხი წყლის ხარისხის ერთ-ერთი ინდიკატორია და რომ მამრი ცხენთევზა საკუთარ ნაშიერებს სხეულში არსებულ სპეციალურ კამერაში ზრდის? იცოდით, რომ ქვის კიბორჩხალას საყვარელი კერძი მიდიები, თევზის ლეში და რაპანები იყო?

გარემოს ეროვნული სააგენტო დოკუმენტურ ვიდეოს ავრცელებს, რომელშიც შავი ზღვის ბინადრების ნახვა შეგიძლიათ. ვიდეოში ასევე ნახავთ შავი ზღვის ყველაზე შხამიან თევზს, ზღვის ურჩხულს და იმას, თუ როგორ უყვართ ერთმანეთი მცურავ კიბორჩხლებს.

გარდა ცოცხალი ორგანიზმებისა, შავ ზღვაში ადამიანების მიერ ზღვისთვის უხვად მიძღვნილი ნაგავიც “ბინადრობს”.  წინასწარი პროგნოზით, თუ ადამიანები გარემოს დანაგვიანებას ამ ტემპით გააგრძელებენ, შესაძლოა  2050 წლისთვის ზღვებსა და ოკეანეებში  უფრო მეტი პლასტიკი იყოს, ვიდრე თევზი.