Batumelebi | ბათუმში ახალგაზრდა მამაკაცი დაჭრეს ბათუმში ახალგაზრდა მამაკაცი დაჭრეს – Batumelebi
RU | GE  

ბათუმში ახალგაზრდა მამაკაცი დაჭრეს

 

ბათუმში, მაზნიაშვილის ქუჩაზე, დღეს, 30 აგვისტოს, დაახლოებით 20:30 საათზე  ახალგაზრდა მამაკაცი ცეცხლსასროლი იარაღით დაჭრეს. „ბათუმელების“ ინფორმაციით, სამართალდამცავებისთვის უკვე ცნობილია დანაშაულში ეჭვმიტანილის ვინაობა. მიმდინარეობს მისი დაკავებისა და ნივთმტკიცების ამოღების ოპერაცია. ახალგაზრდა მამაკაცს სავარაუდოდ სანადირო თოფიდან ესროლეს. მის სიცოცხლეს საფრთხე არ ემუქრება.

 

შს სამინისტროს პრესსამსახურის ინფორმაციით მომხდარ ფაქტზე საქმე აღძრულია სს კოდექსის 118-ე მუხლის პირველი ნაწილით – ჯანმრთელობის განზრახ ნაკლებად მძიმე დაზიანება.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"