აჭარის განათლების სამინისტრო აპირებს, დააფინანსოს კონფერენციების მოწყობა. კონფერენციისთვის განკუთვნილი თანხა 80 ათასი ლარია. ერთი კონფერენცია 40 ათასი ლარით დაფინანსდება. კონკურსის შედეგად ორი გამარჯვებული უნდა გამოვლინდეს.
როგორც განათლების სამინისტროში „ბათუმელებს“ განუმარტეს, გამარჯვებული იმის მიხედვით გამოვლინდება, თუ რამდენად აქტუალური იქნება კონფერენციის თემა, ვინ იქნებიან მისი მონაწილეები და რა მიზნები ექნება.
კონკურსში მონაწილეობის მსურველი უნდა იყოს საქართველოში რეგისტრირებული პირი. მან სამინისტროს კონკურსში მონაწილეობისთვის პირველი თებერვლიდან 16 მარტის ჩათვლით უნდა მიმართოს.
