პროექტ „ახალგაზრდა ამომრჩეველთა სამოქალაქო განათლებისა და საარჩევნო ჩართულობის ამაღლების“ ფარგლებში, ბათუმში, 27-30 ივლისს, 12 ახალგაზრდას (მათ შორის 6 შშმ პირს), ჩაუტარდათ ტრენინგები არჩევნების ინსტიტუტის, მისი ფუნქციებისა და დანიშნულების, ინკლუზიური საარჩევნო გარემოს, წარმატებული შშმ პირი პოლიტიკოსების, გაეროს შშმ პირთა უფლებების დაცვის შესახებ კონვენციისა და საქართველოში მისი განხორციელების შესახებ. პროექტი მოძრაობა – „ხელმისაწვდომი გარემო ყველასათვის“ – ორგანიზებით ხორციელდება.
პროექტის მონაწილეთა ნაწილი ესეის კონკურსის შედეგად შეირჩა, კონკურსი ითვალისწინებდა თავისუფალი ესეის დაწერას თემაზე – „გადალახე ბარიერი ჩემთან ერთად.“ ესეის კონკურსში ირაკლი ყურუამ გაიმარჯვა.
პროექტი ითვალისწინებს ტრენინგების დასრულებიდან ორი თვის განმავლობაში ახალგაზრდების მიერ სხვადასხვა აქტივობის განხორციელებას, მათ შორის, წარმოდგენების დადგმასა და სოციალური ვიდეორგოლები გადაღებას, რომლებიც საკითხის შესახებ ცნობიერების გაზრდას ისახავს მიზნად.
პროექტი დაფინანსებულია ცესკოს სსიპ-ის საარჩევნო სისტემების განვითარების, რეფორმებისა და სწავლების ცენტრის მიერ.
