გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის სინოპტიკოსთა ინფორმაციით, შაბათ-კვირას, 20-21 იანვარს, აჭარაში გამოიდარებს და უნალექო ამინდი იქნება. ზღვა დამშვიდდება და ჰაერი სანაპირო რაიონებში 13-15 გრადუსამდე გათბება, ღამით კი 6 -7 გრადუსი დაფიქსირდება.
აჭარის მთიანეთში ბოლო დღეებში თოვდა, თუმცა შაბათ-კვირას გამოიდარებს. მოსალოდნელია დღისით +5, ღამით კი -5 გრადუსი ყინვა. ორშაბათსაც უმეტესად უნალექო იქნება აჭარის სანაპირო რაიონებსა და მთაში. იქროლებს სამხრეთ-დასავლეთის მიმართულების სუსტი ქარი, 5-10 მეტრი წამში.
