ქობულეთისა და ბათუმის ასაქცევი გზები [ავტობანი] აზიის განვითარების ბანკიდან მიღებული სესხით (500 მილიონი აშშ დოლარი) დაფინანსებული პროგრამის ფარგლებში შენდება.
აჭარის ტერიტორიაზე უკვე დასრულებულია ჩოლოქის ხიდიდან ოჩხამურამდე მონაკვეთი; ამჟამად მიმდინარეობს სამუშაოები ოჩხამურიდან ჩაქვის გვირაბამდე, ხოლო დაგეგმილია მშენებლობა ჩაქვის გვირაბიდან მდინარე ჭოროხამდე მონაკვეთში.
რაც შეეხება ჭოროხის ხიდიდან სარფამდე მონაკვეთს, დეტალური პროექტი დღემდე არ არსებობს, ამ მონაკვეთის გეოგრაფიული მდებარეობისა და მისი სპეციფიკური ტექნიკურ-ეკონომიკური მახასიათებლების გამო.
აზიის განვითარების ბანკის დაფინანსებით მიმდინარე, „საგზაო დერეფნის საინვესტიციო პროგრამა – პროექტი 1-ის“ [ქობულეთის შემოვლითი გზის პროექტი] ფარგლებში ბათუმი-სარფის საავტომობილო გზის ტექნიკურ-ეკონომიკური დასაბუთების [Feasibility Study] დაფინანსების შესახებ საქართველოს მთავრობის შესაბამისი განკარგულება მიმდინარე წლის 29 მაისს გამოქვეყნდა.
