რაიანი – 6 წლის მილიონერი ფორბსის სიიდან

ფრანგული “Forbes”-ის მონაცემებით, 6 წლის რაიანი მსოფლიოში იუთუბის ერთ-ერთი ყველაზე მაღალანაზღაურებადი მომხმარებელია. 2017 წლის განმავლობაში იუთუბის საშუალებით მან 11 მილიონი დოლარი (9 მილიონი ევრო) გამოიმუშავა. როგორ? რაიანი, უბრალოდ, კამერის წინ ხსნიდა საჩუქრებს, რომელსაც წლის განმავლობაში ჩუქნიდნენ.

ChaineRyan ToysReview-ს სახელით დარეგისტრირებულ იუთუბის გვერდზე იტვირთება ვიდეოები, რომელშიც პატარა ბიჭი სათამაშოებით ერთობა, გამოწვევებში რთავს ბავშვებს, განიხილავს ახალი სათამაშოების ღირსება-ნაკლოვანებებს.

გვერდს, რომელზეც ბიჭის ვიდეოები იტვირთება, 2015 წლიდან დღემდე 8 მილიარდზე მეტი მნახველი ჰყავს.

როგორც „The Independent” იუწყება, ბიჭის იუთუბის გვერდი მშობლებმა დაარეგისტრირეს და თვითონვე აკონტროლებენ. მშობლები ყოველდღიურად ტვირთავენ შვილის ვიდეოებს იუთუბიზე, მაგრამ მხოლოდ შაბათ-კვირას იღებენ, რომ ბავშვის განვითარების დღიური რიტმი არ დაირღვეს.

ფორბსის სიის პირველ ადგილზე DanTDM-ს ფსევდონიმით ცნობილი, ვიდეოთამაშების სპეციალისტი დანიელ მიდლტონია, რომელიც იუთუბის 2017 წლის ყველაზე მაღალანაზღაურებად მომხმარებლად აღიარეს. მიდლტონმა იუთუბის საშუალებით ერთ წელიწადში 14 მილიონი ევრო გამოიმუშავა.

იუთუბით გამოიმუშავებს თანხას ასევე საქართველოში პოპულარული იუთუბ არხი Emili TV.  

ამავე თემაზე:

ინტერნეტით ფულის შოვნის სამი მეთოდი საქართველოში