საქართველოს ქალაქებში დადგმულ ნაძვის ხეებს შორის, ჯერჯერობით, ქობულეთის ნაძვის ხემ მიიქცია ყველაზე დიდი ყურადღება. მართალია, ამ ფოტოზე არა ნაძვის ხე, არამედ საახალწლოდ მორთული განათების ბოძია ასახული, მაგრამ ამას ხელი ფოტოს პოპულარობისთვის არ შეუშლია. ფეისბუქის ზოგიერთმა მომხმარებელმა დეკორაციას „ქობულეთის ნაძვის ხის სული“ უწოდა.
ქობულეთი
ქობულეთი წელს ჯერ კიდევ ნაძვის ხის დადგმამდე მოექცა ყურადღების ცენტრში, მას შემდეგ, რაც ცნობილი გახდა, რომ ქობულეთში წელს ნაძვის ხე ბათუმისგან ითხოვეს. ამ თემაზე ფეისბუქზე არა ერთი ხუმრობა იყო.
მხიარულების მიზეზი გახდა ქუთაისში, თეთრ ხიდთან, ცისფერყანწელთა ქუჩაზე, შემაღლებულ ადგილზე მინიატურული ნაძვის ხეც, რომელიც მოქალაქეებმა დადგეს ხუმრობით. წინა წლებში ამ ადგილას ქალაქის ერთ-ერთ ნაძვის ხეს დგამდნენ, თუმცა წელს ასე არ მოხდა.
ქუთაისი
ნაძვის ხეს მალე მიუდგეს თოვლის ბაბუაც.
